İranın xarici işlər naziri Abbas Əraqçi omanlı həmkarı Bədr əl-Busaidi ilə telefon danışığında Hörmüz boğazının idarə olunması və regional təhlükəsizlik məsələlərini müzakirə edib.
Modern.az xəbər verir ki, Əraqçi bu barədə X sosial şəbəkəsində paylaşım edib.
“Çox məhsuldar telefon danışığı zamanı xarici işlər naziri Bədr əl-Busaidi ilə İranın istənilən təhdid qarşısında Omanla həmrəyliyini ifadə etdim. Hörmüz boğazını və onun gələcək idarə olunmasını suveren öhdəliklərimiz və beynəlxalq hüquq çərçivəsində müzakirə etdik. Bütün qonşu dövlətlərlə məsləhətləşmələri alqışlayırıq”, — iranlı nazir bildirib.
Qeyd edək ki, Hörmüz boğazı qlobal enerji daşımalarının əsas marşrutlarından biri hesab olunur və bölgədə artan gərginlik fonunda onun təhlükəsizliyi diqqət mərkəzindədir.
