“Rusiya Ukraynaya iqtisadi-hərbi təzyiqi əhəmiyyətli dərəcədə artırıb. Rus ordusunun əməliyyatlarının intensivliyi nüvə partlayışı ilə müqayisə edilə bilər”.
Modern.az xəbər verir ki, bunu ABŞ Mərkəzi Kəşfiyyat İdarəsinin (MKİ) keçmiş analitiki Larri Conson deyib.
Ekspert Ukraynanın Odessa və Nikolayev vilayətlərinin blokadasının gücləndirilməsinə diqqət çəkib. Consonun sözlərinə görə, bu, Ukraynanın Qara dənizə çıxışını və xaricdən idxal imkanlarını məhdudlaşdırıb:
“Söhbət Rusiyanın iqtisadi təzyiqi artırmasından gedir. Hərbi əməliyyatlar - intensivlik baxımından bu, artıq lokal atəş yox, nüvə partlayışıdır. Hazırda onun Ukraynaya göstərdiyi təzyiqin miqyası məhz budur.
Yerdə hərbi baxımdan baş verənlərə gəlincə, Kiyevə, mühüm logistika və istehsal obyektlərinə raket hücumları, eləcə də bütün cəbhə xətti boyunca Ukrayna bölmələrinə hücumlar davam edir”.
Larri Consonun fikrincə, yerdəki mövcud durum nəzərə alınaraq, paytaxt Kiyevdən Lvov şəhərinə köçürülə bilər.
