Prezident İlham Əliyev Azərbaycan Respublikası Baş Nazirinin müavini Əli Həsənovu vəzifəsindən azad edib.
Modern.az xəbər verir ki, ölkə başçısı bununla bağlı sərəncam imzalayıb.
Sənəddə deyilir:
"Əli Şamil oğlu Həsənov Azərbaycan Respublikası Baş Nazirinin müavini vəzifəsindən azad edilsin".
Ə.Həsənov 21.04.2018 -ci il tarixində Azərbaycan Respublikası Baş nazirinin müavini təyin edilmişdi. O, daha əvvəl "Dövlətqaçqınkom"un sədri işləyib.
71 yaşlı müavini Əli Həsənov ölkə siyasətində yetərincə müzakirə olunmuş adlardandır. O, 1990-cı ildə keçmiş Ali Sovetin, 1996-cı ildə isə Azərbaycan Respublikası Milli Məclisinin deputatı seçilib.
1998-ci ilin noyabr ayında ölkə başçısı Əli Həsənov Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri vəzifəsinə təyin edib.
2013-cü ildə Yeni Azərbaycan Partiyasının V qurultayında onu YAP sədrinin müavini seçdilər. O zaman çoxları Əli Həsənova göstərilən bu etimaddan sonra onun az qala baş nazir postuna gətirilə biləcəyini mümkün sayırdı. Əli Həsənovun karyerasına əsas zərbə nəvəsinin məlum qəza hadisəsindən gəldi.
21.04.2018-ci il tarixində Əli Həsənov “Dövlətqaçqınkom”un sədri vəzifəsini itirsə də, ölkə başçısı onu Baş nazirin müavini postunda saxladı. Nəhayət Ə.Həsənov bu postdan da azad edildi...
