Sumqayıt şəhərində baş vermiş yol-nəqliyyat hadisəsi zamanı həyatını itirən piyadanın kimliyi müəyyənləşib.
Modern.az-ın əldə etdiyi məlumata görə, hadisə iyunun 7-də gecə saatlarında Bakı-Quba avtomobil yolunun Sumqayıt şəhərindən keçən 33-34-cü kilometrliyində qeydə alınıb.
Belə ki, Sumqayıt şəhər sakini, 1973-cü il təvəllüdlü Ehtiram Cavanşir oğlu Cavanşirlinin idarə etdiyi "Toyota Prius" markalı avtomobil yolu keçən piyada – 1969-cu il təvəllüdlü Arif Hüseynqulu oğlu Məmmədovu vurub.
Nəticədə piyada aldığı ağır xəsarətlərdən hadisə yerində dünyasını dəyişib.
Faktla bağlı cinayət işi başlanılıb, araşdırma aparılır.
