Ağdaşda yük avtomobilini ildırım vurub, yanğın baş verib.
Modern.az xəbər verir ki, hadisə iyunun 11-də gecə saatlarında Ağdaş rayonunun Ləki kəndi ərazisində qeydə alınıb.
Nurlan Allahverdiyevin idarə etdiyi “DAF” markalı yük avtomobili ildırım düşməsi nəticəsində alovlanıb.
Nəticədə avtomobilin yanar konstruksiyaları və yük hissəsində olan soyuducular yanaraq yararsız hala düşüb. Yanğın zamanı xəsarət alan olmayıb.
