Efiopiyada ağır yol qəzası baş verib.
Modern.az xarici KİV-ə istinadən xəbər verir ki, Dessi şəhərindən paytaxt Əddis-Əbəbəyə hərəkət edən sərnişin avtobusu idarəetmədən çıxaraq dərəyə aşıb.
Hadisə nəticəsində 28 nəfər həyatını itirib. Yerli media xəsarət alanların da olduğunu bildirir, lakin onların dəqiq sayı hələlik açıqlanmayıb.
Faktla bağlı araşdırma aparılır.
