Ermənistanda “qanuni oğru” saxlanılıb.
Modern.az yerli mediaya istinadla bildirir ki, iş materiallarına əsasən, münaqişə 21 yanvar 2026-cı ildə Tsaxkadzorda başlayıb. Orada 33 yaşlı kriminal avtoritet iki şəxslə birlikdə 36 yaşlı İrəvan sakinini döyüb. Bundan sonra həmin şəxs qisas almaq məqsədilə qanunsuz olaraq odlu silah əldə edib.
Onun niyyətindən xəbər tutan 33 yaşlı kriminal avtoritet də müxtəlif növ odlu silahlar əldə edib və istintaqın iddiasına görə, rəqibinə qabaqlayıcı zərbə endirməyə hazırlaşıb.
Avqust ayında 36 yaşlı kişi, hələlik şəxsiyyəti müəyyən edilməyən şəxslərlə birlikdə rəqibini evinin yaxınlığında görüb və avtomobili onun istiqamətinə sürüb. Bundan sonra tərəflər arasında atışma baş verib.
5 oktyabrda məhkəmənin qərarı ilə polis 33 yaşlı kişinin, həmçinin onun atasının və dostunun evlərində axtarış aparıb. Şübhəlinin mənzilində müxtəlif növ 49 həb və üç flakon metadon məhlulu aşkar edilib.
Nəticədə 33 yaşlı kişi, onun atası və dostu, həmçinin münaqişənin 36 yaşlı digər iştirakçısı saxlanılıb.
İş üzrə qətlin hazırlanması, kriminal iyerarxiyada ən yüksək statusun mənimsənilməsi, silah-sursatın əldə edilməsi və ya saxlanılması, həmçinin narkotiklərin qanunsuz dövriyyəsi ilə bağlı cinayət işi başlanıb.
“Qraparak” nəşrinin yazdığına görə, saxlanılan şəxs “qanuni oğru” Artashes Çiçoyandır.
İlin əvvəlində ona artıq odlu silah və döyüş sursatlarının qanunsuz əldə edilməsi, saxlanılması və daşınması ilə bağlı ittiham irəli sürülüb. O, həmçinin daha əvvəl onunla birlikdə yaşamış Alena Yejakovanı münasibətlərə son qoymaq qərarından sonra silahla hədələyərək döyməkdə, bağlamaqda və şkafda kilidləməkdə ittiham olunur.
