UEFA Millətlər Liqasının formatında dəyişiklik edilə bilər.
Modern.az xəbər verir ki, bu barədə UEFA prezidenti Aleksander Çeferin qurumun 47-ci Konqresində çıxışı zamanı deyib.
O bildirib ki, UEFA Millətlər Liqasında təsnifat mərhələlərinin təşkili istisna deyil: “Ayaqda qalmaq üçün zamana uyğun hərəkət etməliyik. Federasiyalar və bütün maraqlı tərəflərlə geniş müzakirələrdən sonra klub yarışları üçün cəsarətli yeni formatlar təqdim etdik. 2024-cü ildən etibarən kişi və qadın futbolunda, eləcə də, Millətlər Liqasında seçmə mərhələ strukturları ilə bağlı müzakirələr gedir”.
Qeyd edək ki, bugünkü Konqresdə UEFA-ya prezident seçkiləri keçiriləcək.
