Fransanın PSJ klubunun argentinalı futbolçusu Lionel Messi “Laureus World Sports Academy” tərəfindən 2022-ci ilin ən yaxşı idmançısı mükafatına layiq görülüb.
Modern.az xəbər verir ki, ötən gün mükafatlandırma mərasimi keçirilib.
Qeyd edək ki, Messi 2022-ci ildə karyerası dövründə ilk dəfə dünya çempionu olub və Qətərdə keçirilən turnirin ən yaxşı oyunçusu seçilib. O, mükafat uğrunda mübarizədə komanda yoldaşı fransalı Kilian Mbappeni, ikiqat “Formula-1” çempionu niderlandlı Maks Verstappeni, ispan tennisçi Rafael Nadalı və amerikalı basketbolçu Stiven Karrini qabaqlayıb.
İlin ən yaxşı komandası isə futbol üzrə dünya çempionu adını qazanan Argentina seçməsi olub.
