2026-cı il dünya çempionatında III turun oyunları davam edir.
Modern.az xəbər verir ki, ikinci oyun günündə I qrupunun iki görüşü baş tutub.
Seneqal millisi İraq ilə qarşılaşıb. Afrikalılar inamlı qələbə qazanıb: 5:0
İlk qələbəsini qazanan Seneqal qrupu 3 xalla 3-cü pillədə bitirib. "Şirlər" pley-offa yüksəlmək üçün ən yaxşı üçüncülər arasına düşməyi gözləyəcək. İraq isə keçirdiyi 3 oyunu da uduzaraq qrupu sonuncu pillədə başa vurub.
Qrupun digər matçında isə Fransa Norveçlə üz-üzə gəlib. Liderlik matçında fransızlar rəqibini 4:1 hesabıyla məğlub edərək xallarının sayını 9-a çatdırıb və qrupu ilk pillədə tamamlayıb. Norveç 6 xalla qrup ikincisi kimi 1/16 finala yüksəlib.
