Türkiyənin "Trabzonspor" klubu "Liverpul"un keçmiş hücumçusu Məhəmməd Salahla görüşüb və oyunçuya rəsmi əməkdaşlıq təklifi təqdim edib.
Modern.az xəbər verir ki, türk jurnalist Yağız Sabunçuoğlunun məlumatına görə, Türkiyə klubu 34 yaşlı misirli oyunçuya ildə 17 milyon avro maaşla iki illik müqavilə təklif edib.
Türkiyənin "Beşiktaş" və Səudiyyə Ərəbistanının "Əl-Dirian" klubları da Məhəmməd Salahla maraqlanır.
"Transfermarkt"ın məlumatına görə, Salehin bazar dəyəri 22 milyon avrodur. O, ötən mövsüm bütün yarışlarda 41 oyun keçirib, 12 qol vurub və 10 məhsuldar ötürmə edib.
