“Korrupsiyaya qarşı mübarizə haqqında” qanuna dəyişiklik edilir.
Modern.az-ın məlumatına görə, qanuna yeni bənd əlavə edilir.
Yeni bənddə göstərilib ki, yerli özünü idarə etmə orqanları, onların qurumları, rəhbərləri, işçiləri, həmin qurumlarda xüsusi səlahiyyət üzrə təşkilati sərəncamverici və ya inzibati təsərrüfatı funksiyalarını həyata keçirən şəxslər də korrupsiyaya hüquq pozmalarının subyektləri sırasına əlavə edilir.
Qanuna dəyişiklik Milli Məclisin Müdafiə, təhlükəsizlik və korrupsiya ilə mübarizə komitəsinin sentyabrın 12-də keçiriləcək iclasında müzakirə ediləcək.
