Modern.az

Türk dövlətləri QHT-lərinin I Bakı Forumu təklifi irəli sürülüb

Türk dövlətləri QHT-lərinin I Bakı Forumu təklifi irəli sürülüb

Qarabağ

6 Noyabr 2009, 20:22

Milli QHT Forumunun təşəbbüsü ilə yaradılmış Azərbaycan-Türkiyə qeyri-hökumət təşkilatları işçi qrupunun toplantısı keçirilib. Forumun mətbuat xidmətindən Modern.az saytına bildirilib ki, toplantıda Azərbaycan və Türkiyə QHT-lərinin əməkdaşlıq perspektivləri, hər iki ölkənin ictimaiyyəti arasında dialoqun gücləndirilməsi, İctimai Televiziya və Radio Yayımları Şirkəti vasitəsilə Azərbaycan-Türkiyə QHT-ləri arasında telekörpü yaradılması, Azərbaycanın digər telekanalları vasitəsilə Azərbaycan-Türkiyə münasibətlərinə həsr olunmuş teledebatların təşkil edilməsi, Türkiyənin müxtəlif universitetlərində təhsil alan tələbələrlə və məşhur azərbaycanlı iş adamları ilə əlaqələrin qurulması təklif və müzakirə olunub. İclasda, həmçinin 2010-cu ilin mayında türk dövlətləri QHT-lərinin I Bakı Forumunun keçirilməsi istiqamətində müvafiq işlərin aparılması təklifi də irəli sürülüb. Xatırladaq ki, növbəti həftə Türkiyənin ölkəmizdəki səfiri ilə görüş keçirilməsi nəzərdə tutulub.

 

Twitter
Sizə yeni tvit var
Keçid et
Ukrayna ordusu dəhşət saçdı: Rusiya ərazisi vuruldu