Arxiv
4 mart 2019, 21:12 | MEDİA
Mətbuat Şurası: ““Təzadlar”ın “qara siyahı”ya salınması vətəndaşların şikayəti ilə bağlıdır”

Martın 1-də Mətbuat Şurasının "Reket jurnalistika"ya qarşı mübarizə və  Apellyasiya Komissiyalarının birgə iclası keçirilib. İclasda "Təzadlar" qəzetinin adı yenidən Şuranın "qara siyahı"sına daxil edilməsi ilə bağlı qərar qəbul edilib.

 

“Təzadlar” qəzetinin baş redaktoru Asif Mərzili iddia edir ki, onun qəzetinin yenidən qara siyahıya salınmasının əsas səbəbkarı Azərbaycan Dövlət İqtisad Universitetinin (UNEC) rektorudur.

 

Modern.az məsələyə aydınlıq gətirmək üçün Mətbuat Şurasının (MŞ) "Reket jurnalistika"ya qarşı mübarizə komissiyasının sədri, "İki sahil" qəzetinin baş redaktoru Vüqar Rəhimzadə ilə əlaqə saxlayıb.

 

V.Rəhimzadə bildirib ki, “Təzadlar” qəzeti ilə bağlı Mətbuat Şurasına UNEC-in rektoru tərəfindən heç bir müraciət daxil olmayıb:

 

“Mətbuat Şurasına “Təzadlar” qəzeti ilə bağlı millət vəkil Bəxtiyar Əliyevin bir neçə seçicisi və başqa vətəndaşlar tərəfindən şikayət göndərilib. Azərbaycan Dövlət İqtisad Universitetinin İctimai Nəzarət Şurası da bu qəzetdən şikayət edib. Ümumiyyətlə, son günlər “Təzadlar”dan Mətbuat Şurasına çoxsaylı şikayətlər daxil olub. Biz “Təzadlar”ın baş redaktoru Asif Mərziliyə xəbərdarlıq etdik ki, şikayətlər var, bu tipli yazıların çapı araşdırılana qədər dayandırılsın. Çünki bir mətbu orqan 1 nəfər barədə davamlı olaraq 20 yazı dərc edirsə, burada mütləq qərəz var. Şikayətlər komissiyasının iclasından sonra yenə bu proses davam elədi. Sonradan Şikayətlər Komissiyası məsələni "Reket jurnalistika"ya qarşı Mübarizə Komissiyasına və Apellasiya Komissiyasına yönəltdi. Bizdə belə bir qayda var, əgər dəlilli şikayət daxil olarsa, yenidən həmin mətbu orqan "qara siyahı"ya salınır. Mart ayının 1-də hər iki komissiyanın birgə iclası keçirildi. Məlum oldu ki, Şikayətlər Komissiyasının xəbərdarlıq etməsinə baxmayaraq, “Təzadlar” qəzetində qərəzli yazılar mütəmadi şəkildə dərc edilib. Beləliklə, qərara aldıq ki, burada məqsəd var, qərəz var. Ona görədə biz o qəzeti "Qara siyahı"ya saldıq”.

 

Mətbuat Şurasının (MŞ) sədr müavini Müşfiq Ələsgərli isə bildirib ki, qurumun Nizamnaməsinə əsasən, bir qəzetin adı "qara siyahı"ya salınırsa və 1 il müddətində fəaliyyətində dönüş yaranırsa, həmin mətbu qurum bu siyahıdan çıxarılır:

 

“Nizamnaməyə əsasən "qara siyahı"dan çıxarılmış KİV qurumu yenidən əsaslı bir şikayət doğuran səhvə yol verərsə, ondan yenə şikayət olunarsa, müzakirə keçirilmədən onun adı yenidən "qara siyahı"ya salınır.

 

Asif Mərzilinin qəzetinə gəlincə 2018-ci ilin sonuncu rübü ərzində bu qəzetdən Mətbuat Şurasına bir neçə ünvandan çoxsaylı şikayətlər olundu. Şikayətlər Azərbaycan Dövlət İqtisad Universitetinin İctimai Nəzarət Şurası, millət vəkili Bəxtiyar Əliyevin seçiciləri və digər 6-7 qurumdan olmuşdur.

 

Materialların  çoxluğunu nəzərə alaraq biz “Təzadlar”ın baş redaktoru Asif Mərziliyə müraciət etdik. Xahiş etdik ki, bu cür yazılara bir müddət ara versin, biz araşdırma aparaq. O, bizimlə razılaşdı və bildirdi ki, araşdırma aparılsın. Razılaşmanın səhəri günü Asif müəllim yenidən həmin materilalları öz qəzetində dərc etdi. Onun bu hərəkətindən belə qənaətə gəlmək olar ki, burda xüsusi bir maraq var. Əgər maraq yoxdursa, o razılaşmaya əməl etməli idi. O bizi 1 həftə ərzində gözləməli idi ki, biz şikayətləri araşdıraq. Ona görə də biz qərara gəldik ki, məsələni "Reket jurnalistika"ya qarşı Mübarizə Komissiyasına yönləndirək. Onlar daha geniş araşdırsınlar. Bu arada da materiallar yenə səngimədi və davamlı xarakter daşıdı. Belə olan halda apellasiya qrupunun ixtiyarı var ki, onu avtomatik olaraq yenidən "qara siyahı"ya daxil etsin”.

 

Mail Ağaxanov

BU KATEQORİYADAN OLAN DİGƏR XƏBƏRLƏR
+ Arxiv
Narkotik alverçisi edam olunacaq 21 May 2019, 00:53 Xarici ticarətə dair aktların qüvvəyə minmə müddəti dəyişdi 21 May 2019, 00:42 Eyfel qülləsinə dırmaşan naməlum şəxs xilas edildi 21 May 2019, 00:24 Fuad Abbasovu iki nəfər döyüb, biri çəkib – VİDEO 21 May 2019, 00:09 Azərbaycan nefti ucuzlaşıb 20 May 2019, 23:47 Danışılmış oyuna görə 11 futbolçu saxlanılıb 20 May 2019, 23:30 Bu ölkədə polis əməkdaşı axtarılır 20 May 2019, 23:14 ABŞ donanması İranla hərbi qarşıdurmada 20 May 2019, 22:57 Tacikistanda həbsxanada qiyam 20 May 2019, 22:43 Şamaxıda 8 il öncə ölən şəxsə çağırış vərəqəsi göndərildi 20 May 2019, 22:26 Oğuzda orta yaşlı qadın özünü asdı 20 May 2019, 22:12 Metro işçiləri tətilə başladı 20 May 2019, 21:55 “Zelenski Moskva ilə danışıqlara hazırdır” – Politoloqdan şərh 20 May 2019, 21:43 Çörək sexində bir nəfər bıçaqlandı 20 May 2019, 21:29 İstanbulda meşə yanğınları 20 May 2019, 21:17 Şimal bölgəsinin təhsil işçiləri hesabat verdi 20 May 2019, 21:00 18 nəfəri ildırım vurub öldürdü 20 May 2019, 20:43 Koçaryana qarşı cinayət işi Konstitusiya Məhkəməsinə göndərildi 20 May 2019, 20:29 Güclü külək İsmayıllıda fəsadlar törətdi - FOTO 20 May 2019, 20:13 Azərbaycanla Avropa İttifaqı yeni saziş üzrə danışıqları üç istiqamətdə aparır 20 May 2019, 20:01 Zelenskinin varidatı açıqlandı - Avropada evlər, Gürcüstanda 10 otel, ... 20 May 2019, 19:55 İsveçrə universitetinin tələbələri Bakıya gələcək - FOTO   20 May 2019, 19:47 Ukrayna hökuməti istefaya getdi 20 May 2019, 19:38 Fuad Abbasovun Azərbaycana deportasiya ediləcəyi tarix AÇIQLANDI 20 May 2019, 19:29 Eyfel qülləsi bağlandı - SƏBƏB?   20 May 2019, 19:19 Nazirlik kəndlilərə verilən mal-qara ilə bağlı şikayətlərə cavab verdi 20 May 2019, 19:08 Beşdən çox uşağı olan ailələrin sayı AÇIQLANDI 20 May 2019, 18:57 “Qızıl Kəlmə” ədəbi mükafatının qalibləri təltif olunub   20 May 2019, 18:46 Təhsil Şöbəsinin sabiq müdrinin cinayət işi məhkəməyə göndərildi 20 May 2019, 18:39 Bakı küçələrində maraqlı kampaniya - FOTO 20 May 2019, 18:29 Azərbaycan Çinə nar ixrac edəcək   20 May 2019, 18:20 Məhkəmənin qərarını icra etməyən polis rəisləri ilə bağlı Ramil Usubova müraciət olundu 20 May 2019, 18:10 Çingiz Qənizadə: “Avtomobillərə jalüz qadağası DYP ilə sürücünü qarşı-qarşıya qoyur” 20 May 2019, 18:01 Bakıda keçiriləcək sessiyaya hazırlıq müzakirə olundu 20 May 2019, 17:37 Vaqif Səmədoğlunun yubiley tədbiri keçiriləcək   20 May 2019, 17:36