Arxiv
16 May 2019, 19:20 | AKTUAL
Natiq Baxışov: Azərbaycanda aparılan hər bir islahat ABŞ-da müsbət qarşılanır

ABŞ-Azərbaycan Ticarət Palatasının icraçı direktoru Natiq Baxışov mayın 16-da Azərbaycan Dövlət İnformasiya Agentliyində (AZƏRTAC) olub. AZƏRTAC-ın İdarə Heyətinin sədri Aslan Aslanovla görüşdə agentliklə ABŞ-Azərbaycan Ticarət Palatası arasında əməkdaşlığa dair birgə layihələrin həyata keçirilməsi ilə bağlı fikir mübadiləsi aparılıb. Görüşdən sonra Palatanın icraçı direktoru AZƏRTAC-a müsahibə verib. Müsahibəni təqdim edirik.

 

 

-ABŞ-Azərbaycan iqtisadi əlaqələrinin perspektivlərini necə görürsünüz? Ümumiyyətlə ABŞ-dan Azərbaycana investisiya axınında artım gözlənilirmi?

 

-Azərbaycanla ABŞ arasında ticarət münasibətlərində müsbət dinamika var və bu, davam etməkdədir. İki ölkə arasında ticarət potensialı çox böyükdür. Bizim kimi ticarət palatalarının əsas fəaliyyət prinsipi bu potensialın reallaşdırılması işini sürətləndirmək, ticarətin maksimum dərəcədə artırılması üçün şirkətlərin qarşılıqlı səfərlərini təşkil etməkdir. ABŞ Cənubi Qafqaz regionunda ən böyük investisiyaları Azərbaycana yatırıb. Ölkəmizə 10 milyard dollardan çox investisiya cəlb olunub. Bu sərmayələr əsasən neft sektoruna yatırılsa da, artıq qeyri-neft sektorunda da dinamika hiss olunur. Digər xoş xəbər odur ki, Azərbaycanın da ABŞ-a investisiyaları artır. Region ölkələri ilə müqayisə etsək görərik ki, ABŞ-ın maliyyə bazarına investisiyalar əsasən Azərbaycan tərəfindən yatırılıb. Məsələn, Azərbaycan Dövlət Neft Fondu ABŞ-ın maliyyə bazarında fəal iştirak edir və 7 milyard dollardan çox vəsait qoyub. Bu da iki ölkə arasında iqtisadi əlaqələrin qarşılıqlı şəkildə inkişaf etdiyini göstərir.

 

 

-Azərbaycanda həyata keçirilən islahatlar ABŞ investorları tərəfindən necə qarşılanır?

 

-Azərbaycanda aparılan islahatlara dair hər bir xəbər ABŞ-da müsbət qarşılanır. Ölkəmizdə fəaliyyət göstərən ABŞ şirkətləri də buna müsbət reaksiya verirlər. Biz də Ticarət Palatası olaraq Azərbaycanda iştirak etməyən şirkətlərə bu xəbəri çatdıranda görürük ki, onlar buna maraq göstərirlər. Ümumiyyətlə aparılan islahatlar xarici şirkətlərin Azərbaycanda fəaliyyətinə geniş imkanlar yaradır.

 

 

-Apreldə Çikaqoda birinci İllinoys-Azərbaycan kənd təsərrüfatı forumu keçirildi. Bu forumun əhəmiyyəti barədə nə deyə bilərsiniz? Belə forumların digər ştatlarda da təşkili nəzərdə tutulurmu?

 

-İllinoys-Azərbaycan kənd təsərrüfatı forumunun əhəmiyyəti odur ki, biz ilk dəfə olaraq ştat bazarlarına çıxmağa başladıq, İllinoysdakı şirkətləri Azərbaycanın aqrobazarı ilə tanış etdik. Kənd Təsərrüfatı Nazirinin başçılıq etdiyi nümayəndə heyətinə 14 kiçik və orta şirkətin təmsilçiləri daxil idi. Azərbaycanlı sahibkarlar oradakı şirkətlərin fəaliyyəti ilə yaxından tanış oldular. Digər ştatlarda da analoji tədbirlər keçirilməsi nəzərdə tutulur. Növbəti forumun Oklahoma ştatında təşkil olunması planlaşdırılır. Kənd təsərrüfatı əməkdaşlığın inkişaf etdirilməsi üçün geniş potensiala malik sahədir. Bu sahədə ticarət palatası hər iki ölkənin səfirlikləri ilə əməkdaşlıq edir. Həmçinin ABŞ-ın Beynəlxalq İnkişaf Agentliyi (USAİD) ilə əməkdaşlıq şəraitində fəaliyyət göstəririk.

 

 

-Azərbaycanda istehsal olunan hansı növ qeyri-neft sektoru məhsulları ABŞ bazarı üçün cəlbedici ola bilər?

 

- Azərbaycanda orqaniq məhsullar daha çox istehsal olunur. Belə məhsullar ABŞ bazarında rəqabətli ola bilər. Bunun üçün Azərbaycan şərabları kifayət qədər rəqabətlidir. O cümlədən çərəz məhsullarımız bazarda rəqabətli ola bilər. Ancaq vacib olan bir məsələ var ki, sahibkarlarımız bunu nəzərə almalıdır. ABŞ bazarı həssas olduğu üçün əvvəlcədən məhsulların keyfiyyəti ilə bağlı ciddi işlər görülməlidir. Digər amil odur ki, bazarda dayanıqlığı qoruyub saxlamaq üçün keyfiyyəti daim qorumaq lazımdır.           

-Azərbaycanın təşəbbüskarı olduğu və Avropanın enerji təhlükəsizliyinə istiqamətlənən Cənub Qaz Dəhlizi meqa layihəsinə ABŞ-ın münasibəti barədə nə deyə bilərsiniz?

-ABŞ administrasiyaları Azərbaycanın təşəbbüskarı olduğu böyük neft-qaz layihələrinə həmişə birmənalı dəstək veriblər. Bu strateji səviyyədə olan bir dəstəkdir və onu Cənub Qaz Dəhlizi layihəsində də görürük. ABŞ bu meqa layihənin məşvərət şurasında iştirak edir. Hazırkı administrasiya  Avropanın enerji təhlükəsizliyi istiqamətində görülən işləri dərindən başa düşür.

 

 

-AZƏRTAC-la ABŞ–Azərbaycan Ticarət Palatasının mümkün media tərəfdaşlığına necə baxırsınız?   

 

-ABŞ–Azərbaycan Ticarət Palatası ilə AZƏRTAC arasında əməkdaşlıq ilkin mərhələdədir. Bir sıra sahələr var ki, bu istiqamətdə əməkdaşlıq etmək olar. Bunlardan ən mühümü ABŞ-dakı azərbaycanlı biznesmenlərlə təbliğat işi aparmaqdır. ABŞ-da uğurlu azərbaycanlı iş və elm adamları var. Düşünürük ki, ABŞ-da Azərbaycan diasporunu dəstəkləmək üçün AZƏRTAC-la birgə fəaliyyət göstərə bilərik. Bundan başqa,  Azərbaycana bağlı olan amerikalıları da AZƏRTAC vasitəsilə ölkəmizdə tanıda bilərik.   

     

 

 

 

 

 

        

 

 

 

 

BU KATEQORİYADAN OLAN DİGƏR XƏBƏRLƏR
+ Arxiv
“Instagram”da yenidən problem yaranıb   17 İyul 2019, 00:44 İstanbula rekord sayda turist gəldi 17 İyul 2019, 00:26 Qazaxıstan Ukraynaya görə “Qazpromneft”lə əməkdaşlığı dayandırdı 17 İyul 2019, 00:09 Bu gecə ilin ikinci Ay tutulması olacaq 16 İyul 2019, 23:52 Əflatun Amaşov: “Keşikçidağ gərginliyinin yaranmasında onlar maraqlıdırlar” 16 İyul 2019, 23:43 “Həkimlər elə diaqnoz qoydular ki...” - Flora Kərimova 16 İyul 2019, 23:25 Onlarla ev su altında qaldı 16 İyul 2019, 23:08 Bərdədə iki qadını maşın vurdu 16 İyul 2019, 22:53 Avropa Komissiyasına yeni sədr seçildi 16 İyul 2019, 22:39 Azərbaycana qarşı təxribata əl atanlar cəzalandırıldı 16 İyul 2019, 22:18 Göyçayda gənc qadın özünü kanala atdı 16 İyul 2019, 22:04 “Biz azarkeşlərimizi sevindirmək istəyirik” - Qurban Qurbanov 16 İyul 2019, 21:39 Bakıda gənc oğlan bıçaqlandı 16 İyul 2019, 21:28 Ombudsman boşanmalardan danışdı 16 İyul 2019, 21:12 "Mərhələ adlamaq üçün əlimizdən gələni edəcəyik" - Baş məşqçi 16 İyul 2019, 20:59 Bərdə Müalicə-Diaqnostika Mərkəzində ölüm 16 İyul 2019, 20:43 Diplomatların Bakı müzakirəsi 16 İyul 2019, 20:30 “Dövlət müstəqilliyimizi fədakarlıqla qorumalıyıq” - Əli Nağıyev 16 İyul 2019, 20:17 Beynəlxalq Valyuta Fondunun baş direktoru istefa verdi 16 İyul 2019, 20:01 Quba və Xaçmaza infotur təşkil olunub 16 İyul 2019, 19:50 Bakıda axundu qətlə yetirən şəxsin istintaqı başa çatıb 16 İyul 2019, 19:42 İranda mikroavtobus aşıb, 11 nəfər ölüb 16 İyul 2019, 19:37 Almaniya silahlarının əsas müştərisi Türkiyədir 16 İyul 2019, 19:32 Metronun "Nərimanov" stansiyasında uşaq itib   16 İyul 2019, 19:25 Ələtdə 70 yaşlı kişi nəvəsi ilə birlikdə dənizdə boğularaq ölüb 16 İyul 2019, 19:11 Azərbaycan və Gürcüstan vətəndaşları qızışdırıcı çağırışlara uymamalıdır 16 İyul 2019, 18:54 Şəkidə 2 azyaşlı yol qəzasında yaralandı 16 İyul 2019, 18:45 Serj Sarkisyan Baden-Badendən Yunanıstana getdi 16 İyul 2019, 18:32 Şəkidə turistlərlə bağlı növbəti insident – xəsarət alan yoxdur 16 İyul 2019, 18:19 Gəncədə BMT-nin də iştirakı ilə dinləmə keçirildi 16 İyul 2019, 18:16 Bakıda cərrahi əməliyyat olunan Qusar sakini bir həftə sonra öldü 16 İyul 2019, 18:06 Baş nazir Keşikçidağda törədilən insidentdən danışdı 16 İyul 2019, 17:55 Nigeriyada 10  türkiyəli dənizçi girov götürüldü 16 İyul 2019, 17:30 Məşhur iş adamı Xəzərin sahilini hasarladığına görə cərimələndi 16 İyul 2019, 17:24 Xüsusi qabiliyyət tələb edən ixtisaslara qeydiyyat bu gün başa çatır 16 İyul 2019, 17:20