İran Böyük Britaniyadakı səfirini geri çağırıb.
Modern.az xarici mediaya istinadən xəbər verir ki, buna səbəb həmin ölkənin İranı Oman körfəzində neft tankerlərinə hücumda günahlandırması olub.
Məlumata görə, belə bir qərarı rəsmi Tehran Britaniya Xarici İşlər Nazirliyinin rəhbəri Ceremi Hantın ABŞ-ın mövqeyinə dəstək nümayiş etdirərək hücumlarda İran tərəfini günahlandırması ilə bağlı dediyi sözlərdən sonra verib. İranda Britaniyanın belə bir mövqeyi qəbuledilməz adlandırılıb.