2026-cı ilin yanvar-may aylarında Azərbaycanda bir istehlakçının orta aylıq xərci 644,5 manata çatıb.
Modern.az-ın Dövlət Statistika Komitəsindən əldə etdiyi məlumata görə,hesabat dövründə istehlak bazarında satılmış malların və göstərilmiş xidmətlərin ümumi dəyəri 33 milyard 89,7 milyon manat olub.
Bu göstərici 2025-ci ilin yanvar-may ayları ilə müqayisədə real ifadədə 4,5 faiz artıb.
Qeyd olunub ki, yanvar-may aylarında bir istehlakçı orta hesabla ayda 644,5 manat və ya ötən ilin eyni dövrü ilə müqayisədə nominal ifadədə 57,9 manat çox vəsait xərcləyib.
Statistikaya əsasən, istehlak bazarında ümumi dəyərin 77,1 faizini pərakəndə ticarət dövriyyəsi, 19,5 faizini əhaliyə göstərilmiş ödənişli xidmətlər, 3,4 faizini isə ictimai iaşə dövriyyəsi təşkil edib.
