Aprelin 2-də Fransada yeni növ koronavirus (COVİD-19) infeksiyasından ölənlərin sayı ötən günə nisbətən 2 dəfədən çox artıb.
Modern.az xəbər verir ki, ötən gün ölkədə rekord sayda - 1355 ölüm faktı qeydə alınıb. Bir gün əvvəl isə bu rəqəm 509 idi.
Bununla da Fransada pandemiya qurbanlarının sayı 5387-yə çatıb.
Fransa koronavirusdan ölüm sayına görə İtaliya, İspaniya və ABŞ-dan sonra dördüncü yerdə qərarlaşıb.
Ölkədə bu günədək 59,105 yoluxma qeydə alınıb.
Qeyd edək ki, dünya ölkələri üzrə koronavirusdan bir gündə ən çox ölüm hadisəsi ötən gün ABŞ-da (1049) baş vermişdi.
T.İSMAYIL
