Yaxın vaxtlarda “Milli Məclis” jurnalının Redaksiya Şurasının tərkibində dəyişiklik olacaq.
Modern.az-ın xəbərinə görə, "Milli Məclis" jurnalının redaksiya Şurasının siyahısında yer alan şəxslərin bəziləri hazırda deputat deyil.
Qeyd edək ki, eks-deputatlardan Hadi Rəcəbli, Bahar Muradova, Ağacan Abıyev, Valeh Ələsgərov Redaksiya Şurasının tərkibinə daxil idi. Hazırda isə onlar deputat deyil. Buna görə də, “Milli Məclis” jurnalının Redaksiya Şurasının tərkibi dəyişdiriləcək.
Xatırladaq ki, “Milli Məclis” jurnalının təsisçisi Milli Məclisdir.
