Arxiv
8 Oktyabr 2020, 07:45 | REPORTAJ
Cəbrayıl Dövlətzadənin DASTANI...

Modern.az saytı “Torpağı azad edən şəhidlər...” silsiləsindən ilk yazını təqdim edir....


(I hissə)


Fevral ayıdır.  Yenə gecə Məleykənin gözlərinə yuxu getmir.  Oğlu əsgər gedəndən bu gündədir. Gecələr yatağına qor dolur,  min xəyal edir.  Namazlarında gündə 5 dəfə əlini Tanrıya açıb, gözünün işığı, qolunun qüvvəti olan oğluna can sağlığı, qəzadan-bəladan uzaq  olmağı diləyir.  Lap Sücaət şeirində yazdığı  kimi: “Balaları gülə-gülə  yatırıb, Ağlayıram, yatmıram ki, gecələr...”.  Telefonuna tanınmadığı nömrədən zəng gəlir.  Yenə ürəyi titryəb-əsir. “Ay Allah, görəsən nə xəbər gələcək? Görəsən kimdir gecənin bu aləmində zəng vuran. Kaş ki, Cəbrayıl ola...”. Əlləri, ürəyi titrəyə-titrəyə telefonu açır, yavaş səslə: -Kimdi?- deyə soruşur. Xəttin o biri başından zəif səslə bir nəfər deyir:


-Mənəm də...


- Kimdi axı...


- Ay ana, mənəm də...


 - Bıyyyy.. başına dönüm, ömrüm sənə qurban. Coni, bərkdən danış da... elə yavaş danışırsan ki, səsini tanımıram.


-Bu vaxtı sənə məndən başqa kim zəng edəcək ki, ana...  Uşaqlara mane olmamaq üçün yavaş danışıram da,.. bilmirsən guya?  Nə var –nə yox, necəsiniz?


-Yaxşıyıq. Qardaşın da yaxşıdı. Televizorda replərə baxıb, o da böyüyüb. Forslanır özü üçün.


Elə bu vaxt Cəbrayılın öskürək səsi gəlir. Anası:


-Cannnnn... ana qurban, niyə öskürürsən yenə, xəstələnmisən eləmi?


- Soyuq suda oldu...


-Nə?!


-Soyuq suda oldu...


-Soyuq su içirsən yenə?!, - ana elə bilir ki, oğlu soyuq su içir. Lakin xüsusi təyinatlıların əsgəri Cəbrayıl Dövlətzadə əməliyyatlarda, təlimlərdə soyuq suda davamlılıq dərsindən danışır. Ana nə bilsin ki... Cəbrayıl bilir ki,  anası söhbətin nədən getdiyini başa düşmədi. Sözü dəyişmək istəyir.


- Cannnnn, anan qurban, özüvə yaxşı bax, Dərman verirlər? Ordakı əsgər, o böyük əsgər keçən dəfə dedi ki, bacı narahat olma, biz əsgərlərə yaxşı baxırıq. Düz deyər yəqin? Deyir ki, xəstələnəndə dərman alırıq, qoymuruq xəstələnməyə.


-Düz deyir.


-Dərman iç, ömrüm qurban.


-İçirəm.


- İdman -zad edirsən?


Cəbraıl gülür...


-Ana, dünənləri... tam  danışa bilmirəm... bir 10 kilometr yol getmişik, sonra da 19 kilometr qayıtmışıq. Belimizdə də ağır yük...


-Zülm çəkirsiz eeee..


-Nə zülüm... Əladır (gülür).


-Bədənin –zadın şişər...


-Nə şişmək? Dözümlülük keçirik. Dözümlülük. Normadır.


-Yox eeee.  Bədənin şişməyib? Pəhləvanlar kimi olmamısan?


- Dözümlülükdür də... Bərkiyir bədən...



-Cannnnnn... Ölərəm sənin üçün... Allah haqqı iki-üç gün qabaq səni yuxumda görmüşəm.


-Ana, Allaha and olsun... Burada hamıya eyni cür baxırlar.  Çox səviyyəli yerdir. İnan mənə burada hamıya eyni gözlə baxırlar. Elə bil ki, mən oktyabrda gəlmişəm, başqası iyulda. Hər iki vaxtın çağırışçısına eyni münasibət var. (Öskürür)


-Cannnn... ölərəm elə...  xəstələnmisən... Həkimlər- zad baxmır? Əməlli-başlı öskürür e....


-Heç nə yoxdur...


- Nə vaxt gəlirsən? Bayramda? Martda gəlirsən də  inşallah?


-Həəəəə... Bayramda gəlirəm. Normativi verib gələcəm. 10 turnik vursam, 100 kilometri 13 dəqiqəyə qaçsam, 60 dənə press, 65 dənə jim vursam, gələcəm....


- Allah məni öldürsün... (gülür), sən də 100 faiz dözürsən ki, gələsən evə...


-Əladır da...


- Ölərəm səndən ötrü... Sən  dəqiq mənə oxşamısan eeee... zəif deyilsən, güclüsən. 


Cəbrayılın yenə öskürək səsi gəlir.


-Qadan- balan mənə gəlsin...


-Ey ay ana, bəsdi də...


-Həəəə... yaxşı... səni istəməyənlərin canına getsin... Allah sənin şəfanı versin.


-Ana necə dolanırsınız? Pulunuz var?


-Var, balam... hər şey yaxşıdır. Allah özü bilsin...Sən martda gələndə artıq rahat evdə qalacaqsan, vay-faylı rahat evimiz, rahat çarpayıda yatacaqsan...


- 1 il 6 ay dözəcəm.


- 1 il 6 ay nədir? 4 ayın gedib eeeee... ömrüm qurban. 1 il 2 ayın qalıb.


-5 ayın içindəyəm .


- Hə.... o günləri, ayın 2-si 4 ayın tamam oldu.


Məleykə oğluna təsəlli verir:


- Ömrüm, günlər gəlib keçəcəy eeee... tez gəlib keçəcək. Elə bil dünən yola salmışdım.  İndi beş ayın tamam olacaq, martda gələndə 6 ayın tamam olacaq. Səbr elə... hər şey yaxşı olacaq... Anan sənin gözlərinə qurban olsun. Bir dənə bilirsən nə fikirləş? Özünə yaxşı bax, əsas can sağlığıdır. Yeməyinə fikir ver. Bir dənə məni, bacını, qardaşını fikirləş. Nənən də, baban da, Allah canlarını sağ eləsin, hamısı səni çox istəyirlər. Ancaq unutma ki, səni ən çox istəyən anandır.


-Ana, narahatm, hansı çətinliyiniz var, bilirəm. Bir ondan narahatam...


-Ömrüm qurban, inan mənə, həmin işdən çıxmışam. Sabah gedib evin yanındakı “Mega Star”a işə düzəlirəm. CV vermişəm. Əvvəlcə satıcı kimi, sonra nəzarətçi kimi götürəcəklər.


-Evə yaxındır?


-Hə yaxındır. Axı mənim diplomum var, qabağa geədə bilərəm. Əvvəlki iş uzaq idi, özün bilirsən, ayağım ağrıdığından gedib-gələ bilmirdim. Heç də narahat olma. Mən də yaxşıyam, bacın da yaxşıdır, qardaşın da yaxşıdır. Hamımız yaxşıyıq. Bir dənə səndən nigaran qalmışam, Qurana and olsun.


-Anaaaa... bax, vallah... elə bil ki, evdə yaşayırıq. Hər şəraitimiz var.  Qurana and olsun, bax...erməni-zad görmürük.



-Ay bala bilirəm dəəəə... anayam axı... Sən Türkiyədə olanda da telefon əlimdə qalırdı ki, görüm hardasan... telefonu geç açanda ürəyim partlayırdı. O gün Vüsal gəlmişdi. Sənə salam deyir. Deyir Cəbrayıl mənim canımdır, çox yaxşı qardaşdır, çox yaxşı övladdır. Hamısı sənin üçün dua edir. Vüsal Şəmkirdədir. Maaşını qaldırıblar. Deyir ki, sən gəlib burda işləsən, sənin maaşın onunkundan da yüksək olacaq.


-Gecəniz xeyrə...


-Cannnn.. gedirsən.... oğlum... bir dənə...  Burada telefon söhbəti bitir.


İndi isə Məleykə olanlara inanmaq istəmir. Əlində telefonu oğlundan yadigar qalan şəkillərə baxır, baxır, səsini dəfələrlə dinləyir... usanmır.  Hər sualımdan sonra fikri uzaqlara uçur. Yenə telefonunu qurdalayır. Yenə Türk dünyası boyda bir qəhrəmanın şəkillərini göstərir,  görüşlərindən danışır. Sevib- oxşayır oğlunu.


“Mənim Cəbrayılım dünyanın ən yaxşı, ən qeyrətli oğlu idi...”.


-Məleykə, başına dönüm, Sənin dünyaya gətirdiyin oğul dünyanın döyüş tarixinə, salnaməsinə adını qızıl hərflərlə yazdı. Sənin 19 yaşlı  oğlun, Azərbaycanın və Azərbaycan Ordusunun yetişdirdiyi peşəkar bir generalın Polad Haşımovun qanını aldı...

 

-Mən oğlumun üzünü görmədim. Tabutuna sarılıb, gecədən səhərə qədər bu evin döşəməsində uzandım.  Tabutun ağzını yekə mismarla mismarlamışdılar. Gücüm çatmadı örtüyünü açım... Dedilər  torpağa tapşıranda, icazə verəcəklər baxmağıma, ancaq  yenə qoymadılar son dəfə balamı görüm...Bax o bayrağı görürüsən, o bayrağı verdilər mənə.


(ardı var...)


Aida Eyvazlı GÖYTÜRK

BU KATEQORİYADAN OLAN DİGƏR XƏBƏRLƏR
+ Arxiv
Ceyhun Bayramov: "Bu yalnız sərhəd məsələsi deyil” 25 Oktyabr 2020, 12:39 Koreyada quş qripi aşkarlandı 25 Oktyabr 2020, 12:35 Ordumuz düşmənə qarşı yüksək dəqiqlikli silah tətbiq edir - Video 25 Oktyabr 2020, 12:13 Rusiyada daha bir rekord göstərici 25 Oktyabr 2020, 12:07 Sabahın havası: duman, külək... 25 Oktyabr 2020, 11:58 Qətərdə marketlər şəbəkəsi Fransa məhsullarını satmaqdan imtina etdi   25 Oktyabr 2020, 11:54 Rusiyada koronavirusdan ölənlərin sayı 26 mini ötdü 25 Oktyabr 2020, 11:45 Gəncədə erməni terroru nəticəsində həlak olmuş 13 yaşlı Arturla vida mərasimi keçirilir   25 Oktyabr 2020, 11:41 “Əl-Qaidə”nin ikinci adamı məhv edildi 25 Oktyabr 2020, 11:22 Ermənistanda ötən gün rekord sayda insan COVID-19-dan öldü 25 Oktyabr 2020, 11:20 Baş Prokurorluq xəbərdarlıq etdi: "Paylaşılması qadağandır" 25 Oktyabr 2020, 11:09 Koronavirusa həsr edilmiş qeyri-adi poçt markası buraxıldı 25 Oktyabr 2020, 11:08 Gürcüstanda koronavirusdan ölənlərin sayı 200-ü keçdi 25 Oktyabr 2020, 11:07 “Prezident İlham Əliyevin böyük idarəçilik təcrübəsi var” 25 Oktyabr 2020, 10:46 Hikmət Hacıyev: Fransa parlament heyətinin Ermənistana səfəri birtərəfli və qərəzli xarakter daşıyır” 25 Oktyabr 2020, 10:38 “Düşmənin canlı qüvvə və texnikalarını məhv edirik” - VİDEO 25 Oktyabr 2020, 10:30 Kaliforniyada Gəncə terroruna etiraz - FOTOLAR 25 Oktyabr 2020, 10:27 Ermənistanın mülki şəxslərə hücumundan sonra biz açıq şəkildə dedik ki, qisas alacağıq” - MÜSAHİBƏ   25 Oktyabr 2020, 10:20 Bu təyyarələr Türkiyə Ordusunun arsenalına daxil edildi 25 Oktyabr 2020, 09:58 Ukrayna ilə Azərbaycan arasında vaxt fərqi iki saat oldu   25 Oktyabr 2020, 09:51 Ölkə üzrə koronavirusa yoluxma statistikası açıqlandı 25 Oktyabr 2020, 09:49 Paytaxtda COVID-19-a ən çox yoluxma bu rayondadır - STATİSTİKA 25 Oktyabr 2020, 09:46 “Hərbi sirri paylaşma, sakit dur!” - FOTO 25 Oktyabr 2020, 09:33 Qarabağda döyüşən erməni müğənni silahını atıb qaçdı 25 Oktyabr 2020, 09:27 Kiyevin meri koronavirusa yoluxdu 25 Oktyabr 2020, 09:23 Ceyhun Bayramov: “Azərbaycan mütləq şərt yoxdursa..." 25 Oktyabr 2020, 09:16 Ronaldu Həbibi təbrik etdi 25 Oktyabr 2020, 09:08 Şimali Kiprdə Qarabağa dəstək mitinqi  25 Oktyabr 2020, 09:00 "Böyük Dəbilqə"nin qalibi  mükafatını əsgərlərimizə göndərəcək 25 Oktyabr 2020, 08:58 “Samsung”un rəhbəri vəfat etdi 25 Oktyabr 2020, 08:44 Cəbhəyanı rayonlarda 9 partlamamış hərbi sursat aşkarlandı 25 Oktyabr 2020, 08:37 Dünyada koronavirusa yoluxma sayında rekord artım 25 Oktyabr 2020, 08:34 Rusiyada məşhur deputat güllələndi 25 Oktyabr 2020, 08:32 Müdafiə Nazirliyi: Düşmən qüvvələri Ağdərə və Xocavənddə məhv edildi 25 Oktyabr 2020, 08:29 Makqreqor Həbibi təbrik etdi 25 Oktyabr 2020, 08:18