Modern.az

Bəşər Əsəd prezidentliyə namizədliyini irəli sürdü

Bəşər Əsəd prezidentliyə namizədliyini irəli sürdü

21 Aprel 2021, 16:02

Suriyanın hazırkı Prezidenti Bəşər Əsəd prezident seçkilərində namizədliyinin qeydə alınması üçün Ali Konstitusiya Məhkəməsinə müraciət edib.

 

Modern.az-ın xəbərinə görə, bu barədə bu gün SANA agentliyi məlumat yayıb.

 

Suriyada prezident seçkiləri bu il mayın 26-da keçiriləcək.

 

Bazar ertəsindən başlayaraq Ali Konstitusiya Məhkəməsi prezidentliyə namizədləri qeydə alınması üçün sənəd qəbuluna başlayıb. Qeydiyyat müddəti 10 gün nəzərdə tutulub. İndiyə olan məlumata görə, B. Əsəddən başqa, daha 5 nəfər prezidentliyə namizədliyinin qeydə alınması müraciət edib ki, onlardan iki nəfəri qadındır.

 

Suriya konstitusiyasına görə, prezidentliyə namizədlər 40 və daha yuxarı yaşda olmalı, son 10 il ərzində ölkədə yaşamalı və xarici ölkə vətəndaşı olmamalıdır.

 

Suriyada sonuncu dəfə prezident seçkiləri 2014-cü ildə keçirilib və seçkilərin qalibi Bəşər Əsəd olub.

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir