Arxiv
6 İyul 2021, 13:55 | QARABAĞ
Böyrəyini oğluna verən Qazi anası İMDAD DİLƏDİ: “Balama kömək edin!”

Azərbaycanın 44 günlük Vətən Müharibəsindən qalib olaraq çıxması hamımızı bir ömür boyu döyüşən, yaralanan, həyatını itirən oğullarımıza borclu edib. Həm cəmiyyət, həm də dövlət olaraq  bütünlüklə, yaxud əzalar şəklində Vətən torpağına qarışan, canından, sağlamlığından keçən igidlərimizin problemlərinin həlli üçün səfərbər olmalıyıq.

Azərbaycan dövləti müharibədə yaralananların, şəhid olan şəxslərin ailə üzvlərinin problemlərini həll etmək üçün YAŞAT fondunu yaradıb. Eyni zamanda? Prezident İlham Əliyev tərəfindən müvafiq dövlət qurumlarına bu qrup şəxslərin problemləri ilə maraqlanmaq və onları operativ qaydada həll etmək tapşırılıb.


Vətən Müharibəsində əvvəldən axıradək iştirak edən igidlərimizdən biri də 1994-cü il təvəllüdlü Əlizadə Aqşin Eyvaz oğludur. Əslən Culfa rayon Əbrəqunus kəndindən olan Aqşin 2015-ci ildə Naxçıvan Dövlət Universitetini bitirib. Hərbi xidmətini də Naxçıvan Muxtar Respublikasının “N" saylı hərbi hissədində kəşfiyyat bölüyündə keçib və leytenant hərbi rütbəsi alıb.

A.Əlizadə 2020-ci il sentyabrın 21-dən hərbi səfərbəliyə cəlb olunub, sentyabrın 27-dən şğal olunmuş torpaqlarımız uğrunda zabit kimi döyüşlərə qatılıb. Füzuli, Xocavənd, Cəbrayıl, Hadrut uğrunda gedən döyüşlərdə iştirak edib. Dövlət tərəfindən “Döyüşlərdə fərqlənməyə görə” medalı və Fəxri fərmanla təltif olunub.

Yanvar ayının əvvəllərində hərbi xidmətdən tərxis olunan Aqşin evə döndükdə ailə üzvləri dəhşətə gəliblər: onun üzü, əlləri, ayaqları şişmiş vəziyyətdə olub. Dediklərindən məlum olub ki, döyüşlər və ondan sonrakı dövrdə Hadrut, Xocavənd istiqamətində olan Aqşin güclü soyuqlamaya məruz qalıb.



Anası Yeksarə Səfərova deyir ki, yanvarda evə gələndə dərhal həkimə aparıblar:


“Analizlər, yoxlamalar. Məlum oldu ki, kəskin böyrək çatışmazlığı yaranıb, 2-3 ay ərzində müdaxilə olmadığına görə böyrəkləri tamamən sıradan çıxıb. Balam deyir, iki dəfə hospitalın həkimlərinə müraciət edib, deyiblər, allergiyadır yəqin. Bir-iki tabletka veriblər, bu da təkid etməyib əlavə yoxlanma üçün. Deyir, həkimlərin başı yaralılara qarışıq idi, mən onlara mane olmaq istəmədim”.

Nefroloq-həkim Elnur Fərəcov müayinələrdən sonra Aqşinə böyrək köçürülməsinin gərəkdiyini deyib. Həm Eyvaz kişi, həm də Yeksarə xanım donor olmaq istəyiblər:

“Eyvazın səhhətində bəzi problemlər olduğuna görə mənim böyrəyimi köçürməyə qərar verildi. Öncə əməliyyatı öz hesabımıza etdirmək istədik. Lakin iki hətə ərzində analizlərə 4-5 min manatdan yuxarı xərcimiz çıxdı, gördük ki, 12 min manat təşkil edən əməliyyat xərcini çatdıra bilməyəcəyik. Dövlətimizin rəhbərliyinə, Prezidentimizə və onun xanımı hörmətli Mehriban Əliyevaya müraciət etdik. Çox sağ olsunlar, əməliyyat xərcinin ödənməsi üçün vəsait ayrılmasına göstəriş verdilər. Buna görə bir ömür boyu onlara borcluyuq”.

Aqşin əməliyyat olunub, anasının böyrəyi köçürüldükdən sonra aydın olub ki, əsas çətinliklər yeni başlayır:


“Əməliyyatdan 2-3 həftə sonradan Aqşində temperatur yüksəldi, ishal, qusma başladı. Analizlər etdikdə qanından kreatinin normadan çox yüksək olduğu aydınlaşdı. Uzun müddət oğluma evdə müalicələr təyin olundu. May ayının əvvəllərində vəziyyəti kəskinləşdi, koronavirus testi pozitiv çıxdı. İnanın, o, əməliyyat olunandan evimizə heç kim gəlib-getməyib, özü də ağrıdığına görə heç yerə çıxmırdı. Heç anlamadıq ki, koronavirusa harada, kimdən yoluxdu. Yenə də dövlətimiz sağ olsun, TƏBİB rəhbərliyinin xüsusi diqqəti ilə Yeni Klinikaya yatırıldı, çox peşəkar müalicə getdi. Oğlumun səhhətindəki bütün problemlər də aradan qalxmış görünürdü. Lakin evə buraxılandan bir həftə- on gün sonra yenidən temperaturu yüksəlməyə başladı, iştahsızlıq, ishal yarandı. Həkimin məsləhəti ilə onu Mərkəzi Klinik Xəstəxanaya yatırdıq. Dörd günlük müalicə üçün 4 min manat xərc çəkdik. Dörd gündən sonra imkanımız  çatmadı, evə çıxartmalı olduq. Vəziyyətinin getdikcə ağırlaşdığını görüb Tibb Universitetinin Tədris-terapevtik klinikasına yerləşdirdik. Lakin orada da uşağın halı yaxşılaşmadı. Bütün bədəni səpməyə başladı. Məcbur qalıb evə gətirdik. Bu dəfə bütün bəlaların üstünə qan azlığı da əlavə olundu. İndi yenidən məcburən Mərkəzi Klinik Xəstəxanaya yatırmışıq, gündə bir dənə iynəsinə 800 manat ödəyirik. Son bir ayda 10 min manata yaxın xərcimiz çıxıb”.

Ana deyir ki, artıq bütün imkanları tükənib, borc alınması mümkün olan hər kəsdən borc alıblar:


“Yoldaşım da, mən də müəllimik. Yeganə gəlir mənbəyimiz bu peşədir. Qazancımızla gündə min manata yaxın xəstəxana xərclərini qarşılamaq mümkün deyil. Bütün imkanlarımız tükənib artıq – yanvar ayından bəri oğlumun sağlamlığına qovuşması üçün bütün imkanlarımızı səfərbər etmişik. İnanın, əgər oğlumun vəziyyəti yaxşılaşsa, həkimlər desə ki, hansısa müddətdən sonra səhhəti qaydasına düşəcək, dilənməkdən belə çəkinmərəm. Amma həkimlər heç nə demirlər. Bilmirik Aqşini aylardır yatağa salan nədir? Aydındır ki, biz böyrəkköçürmədən sonra oğlumun dərhal normal həyata qayıdacağını gözləmirdik. Lakin bu qədəri də olmaz axı. Mən anayam, iki qızın üstündə bir oğlum var. Nişanlıdır balam, müharibədən əvvəl hərisini almışdıq, toyunu etmək istəyirdik, qismət belə gətirdi. İndi günü yataqda, sistemlər altında keçir, gün-gündən zəifləyir, artıq yataqdan qalxmağa belə halı qalmayıb”.

Göz yaşlarını saxlaya bilməyən ana deyir ki, oğluna qoyulan böyrəyin ayrılmasından qorxurlar:


“Buna görə də Aqşini Türkiyəyə aparıb, orada müayinə etdirmək istəyirik. Amma əlimizdə heç nə qalmayıb. Ümidimiz yenə də dövlətimizə, xalqımızadır. İnanırıq ki, dövlətimiz, xeyirsevər xalqımız erməni gülləsinin yan keçdiyi balamın əlimizdən getməsinə imkan verməyəcək. Balam Vətən uğrunda, torpaqlarımız uğrunda canını əsirgəmədi, heç nəyə baxmadan dövlətin səsinə səs verib müharibəyə qatıldı. İndi dövlətimdən xahiş edirəm, onun anasının səsinə səs versinlər. Mən birdəfəlik yardım istəmirəm, borc versinlər, ömrüm boyu işləyib qaytarmağa hazıram, təki balam sağalsın”...

BU KATEQORİYADAN OLAN DİGƏR XƏBƏRLƏR
+ Arxiv
Beyrut hadisələri ilə əlaqədar 19 nəfər saxlanıldı 16 Oktyabr 2021, 00:52 İranın Baş Qərargah rəisi Moskvaya gedir 16 Oktyabr 2021, 00:33 GDU-nun prorektoru dünyasını dəyişdi 16 Oktyabr 2021, 00:08 Türkiyədə 181 nəfər koronavirusdan öldü 15 Oktyabr 2021, 23:55 "Qarabağ"ın futbolçusu Krımda toy edir - FOTOLAR 15 Oktyabr 2021, 23:25 Rusiya həbsxanasında qiyam 15 Oktyabr 2021, 23:07 AFFA-dan məşhur serialla bağlı AÇIQLAMA 15 Oktyabr 2021, 22:45 Rusiyaya qanunsuz geyim keçirmək istəyən azərbaycanlılar saxlanıldı   15 Oktyabr 2021, 22:40 Vətən müharibəsindən bəhs edən filmə MÜKAFAT verildi 15 Oktyabr 2021, 22:27 Pentaqon rəhbəri Zelenski və Qaribaşvili ilə görüşəcək 15 Oktyabr 2021, 22:17 İtaliyada COVID sertifikatlarına qarşı ETİRAZ 15 Oktyabr 2021, 22:08 Türkiyə-Azərbaycan-Gürcüstan parlament komissiyalarının İCLASI 15 Oktyabr 2021, 21:51 Komitə sədri: “Radikal qruplaşmaların asayişi pozmaq imkanları sıfırdan aşağıdır” 15 Oktyabr 2021, 21:38 Ölkəmizdə “Formula-1”  bu tarixlərdə keçiriləcək 15 Oktyabr 2021, 21:27 Nərimanovda intihara cəhdin qarşısı alındı 15 Oktyabr 2021, 21:09 Ermənistan YALAN məlumat yayıb 15 Oktyabr 2021, 20:54 Polşa Türkiyədən yeni silahlar alacaq 15 Oktyabr 2021, 20:34 Bu ölkə vətəndaşlarının Azərbaycana giriş-çıxışına İCAZƏ VERİLDİ 15 Oktyabr 2021, 20:18 Türkiyədə 2 terrorçu zərərsizləşdirildi 15 Oktyabr 2021, 20:09 İlham Əliyev Müstəqillik Günü haqqında qanunu TƏSDİQLƏDİ 15 Oktyabr 2021, 19:52 Güneydəki həbslərlə bağlı bəyanat verildi 15 Oktyabr 2021, 19:51 ABŞ səfiri Fərid Qayıbovla görüşdü 15 Oktyabr 2021, 19:41 Ceyhun Bayramov fransızlara Ermənistanın cinayətlərindən DANIŞDI 15 Oktyabr 2021, 19:28 Azərbaycandan Gürcüstana gedənlər 2.2 dəfə ARTIB 15 Oktyabr 2021, 19:17 Britaniyalı deputat bıçaqlandı 15 Oktyabr 2021, 19:12 Ağdamda yeni mərkəz açıldı 15 Oktyabr 2021, 19:00 Bu şəxslər daha 5 il vergi və gömrük rüsumu ödəməyəcək  15 Oktyabr 2021, 18:52 Qanunsuz ov edən şəxs cəzalandırıldı 15 Oktyabr 2021, 18:45 Hərbi sirr kimi gizlədilən telekanal REYTİNQLƏRİ 15 Oktyabr 2021, 18:38 LDU-da elmi-nəzəri konfrans keçirilib - FOTO 15 Oktyabr 2021, 18:30 Müdafiə Nazirliyi MAXE qəbulu elan etdi 15 Oktyabr 2021, 18:22 BMT Baş katibinin müavini Fuad Hüseynova təşəkkür etdi 15 Oktyabr 2021, 18:15 Rusiyadan gətirilən 67 ton kartof məhv edildi 15 Oktyabr 2021, 18:07 Telman İsmayılov Rusiyaya ekstradisiya olunacaq... 15 Oktyabr 2021, 18:01 Xarici valyutaların üç günlük MƏZƏNNƏSİ 15 Oktyabr 2021, 17:55