Arxiv
5 Sentyabr 2021, 13:20 | MƏDƏNİYYƏT
Yeni mövsümdə tamaşaçılar Azərbaycan teleməkanında hansı serialları izləyə biləcəklər? – FOTOLAR

Telekanallar yeni mövsümün həndəvərindədirlər. Və bu o deməkdir ki, kanallarda həm də yeni serial mövsümünün başlamasına çox az qalıb. Əvvəla onu deyək ki, serial süjet xətti bir-biri ilə bağlı olan və ya olmayan telefilm silsiləsidir.

 

Modern.az xəbər verir ki, ilk serial – “Farevey Hill” 1946-cı ilin oktyabrından dekabrına kimi efirə gedib. Və qeyd edək ki, canlı yayımlanıb. Təəssüf ki, onun heç bir lent yazısı qalmayıb. Qayıdaq bu günə. Bu gün Azərbaycan teleməkanında müxtəlif teleseriallar tamaşaçıların görüşünə gəlir. Təbii ki, serialların da öz izləyicisi, auditoriyası var.

 

Bəs kanallar bu il hansı seriallarla tamaşaçıların qarşısına çıxacaqlar?

 

Üç mövsüm ARB kanalı izləyicilərinin sevimlisi olan “Uçurum” serialı bu il  artıq dördüncü mövsümünə başlayacaq. Serialı ərsəyə gətirən yaradıcılardan biri – quruluşçu rejissoru Vüsal Məmmədov deyir ki, reytinq cədvəlinə görə, ən çox izlənilən seriallardan biri olan “Uçurum”un  çəkilişləri artıq bir aydır ki, davam edir və efirə başlamaq üçün ciddi hazırlıqlar gedir: “Bu mövsümdə də yeni süjet xətti,  bir-birindən maraqlı hadisələr, obrazlarla tamaşaçıları yaxşı mənada gərginlikdə və maraqda saxlamaq niyyətindəyik. Ailə-məişət mövzusunda olan serialda günümüzün reallığı ilə səsləşən müxtəlif hadisələr öz əksini tapacaq. Ötən mövsümdən Sevda, Cənnət, Mədət, Nərminə, Aynur, Tofiq və digər sevilən  obrazlar qalsa da, yeni xarakterlər də tamaşaçıları sevindirəcək. Bundan başqa, keçmişdən gələn bir obraz da kabus kimi yeni həyatın üzərinə çökəcək”.

Serialın daimi və yeni tamaşaçıları  “Uçurum”u həftə içi  dörd gün ARB kanalında izləyə biləcəklər.

ATV kanalında gedən  və tamaşaçı istəyi ilə üçüncü mövsümünə qədəm qoyan “Bir qadın” serialının da artıq çəkilişlərinə başlanılıb. Serialı ərsəyə gətirən prodakşının baş prodüseri Yaşar Əhmədovun sözlərinə görə, artıq iki mövsüm tamaşaçılarda xüsusi maraq və rəğbət doğuran “Bir qadın” serialı növbəti mövsümdə də bir-birindən maraqlı və dinamik olaylarla efirdə olacaq. Quruluşçu rejissoru Şahin Qəhrəman olan serialda  Anar Heybətov, Zemfira Əbdülsəmədova, Nuriyyə Əliyeva, Ləman İmanova, Elçin Muradov və başqaları iştirak edir. Çəkilişlərə artıq bir aydır ki, start verilib. Bu mövsüm ötən ilkindən daha gərgin hadisələr, daha fərqli xarakterlərlə efirdə olacaq.  Davud, Zöhrə, Gülzar, Ləman, Arzu kimi sevilən obrazların həyatında hansı dəyişikliklər olacaq? Kimin qarşısında yeni yollar, yeni qismətlər açılacaq? Bunların hamısı yeni mövsümdə “Bir qadın” serialında olacaq. Qeyd edim ki, serial bir-birindən maraqlı bölümləri ilə yeni mövsümdə həftə içi dörd gün ATV kanalında yayımlanacaq.

ATV kanalında başqa bir yeni layihə  – “Gecə yarısı” da efirdə olacaq. “Gecə yarısı”nın quruluşçu rejissoru Kənan MM bildirir ki, serialın ssenari müəllifləri İlqar Fəhmi ilə Çinarə Nüsrətlidir.  Baş rolların ifaçısı Günəş Mehdizadə,  Tural Əhməd, Reşat Kəsəmənli, Rada Nəsibova və Aysel Yusubova olan serial kriminal-dram janrındadır. Kriminal həvəskarlarını ATV kanalında ekranlara çıxacaq “Gecə yarısı” serialını izləməyə dəvət edirik.  Efir vaxtı oktyabr ayına nəzərdə tutulan serial həftə içi bir gün yayımlanacaq.

“Space” kanalında da yeni bir serial tamaşaçıların ixtiyarına veriləcək. Komediya janrında olan və artıq sürətlə çəkilişləri gedən serial bu günümüzlə səsləşən pandemiya mövzusunu əhatə edir. İnsanların ancaq internet üzərindən bir-birilə görüşməsi, əlaqə saxlaması əsasında başlarına gələn maraqlı, gülməli və eyni zamanda da düşündürücü hadisələrlə zəngin bir serialdır. Quruluşçu rejissoru Ramin Hacıyev, quruluşçu operatoru Elşən Əliyev olan serialda baş rollarda Məcid Hüseynov və Elnur Hüseynov çəkilirlər. Serialın bir gün – həftə sonu yayımlanması nəzərdə tutulub.

“Covid-19” pandemiyasının tüğyan etdiyi bir vaxtda min bir əziyyətlə çəkilişlər edən, ərsəyə yaxşı serial gətirməyə çalışan yaradıcı və texniki heyətlərə uğur və sağlamlıq arzu edirik. Bu mövsüm də seriallar çəkdikləri əziyyətə dəysin. İnsanların daha çox “evdə qal” çağırışı zamanı asudə vaxtının tələbatını ödəyən, əlbəttə ki, daha çox ədəbiyyat və televiziyalardı. İnsanları daha çox sosial məsafə saxlamağa, bayırda az olmağa, mütaliə etməyə, serial izləməyə dəvət edirik.  Milli seriallara baxın, sağlam olun… ("Gününsəsi")

BU KATEQORİYADAN OLAN DİGƏR XƏBƏRLƏR
+ Arxiv
Dünyada koronavirusa yoluxanların sayı 229 milyonu ötdü 20 Sentyabr 2021, 07:53 Azərbaycan ərazisinə keçmiş iki mülki erməni geri qaytarıldı 20 Sentyabr 2021, 07:42 Ərdoğan ABŞ-da səfərdədir 20 Sentyabr 2021, 07:30 Britaniyada 29.6 min yoluxma qeydə alındı 20 Sentyabr 2021, 00:46 Məşhur boksçu prezident olmaq istəyir 20 Sentyabr 2021, 00:37 Çoxmərtəbəli yaşayış binasında yanğın oldu 20 Sentyabr 2021, 00:22 “Əsrin müqaviləsi”nin 27 ili tamamlandı 20 Sentyabr 2021, 00:07 Şahmatçılarımız Moldova yığmasına qalib gəldi   19 Sentyabr 2021, 23:51 Bodibildinqçimiz tarixi uğura imza atdı 19 Sentyabr 2021, 23:38 Makron İsveçrə səfərini ləğv etdi - SƏBƏB 19 Sentyabr 2021, 23:24 “Çelsi” səfərdə “Tottenhem”i məğub etdi 19 Sentyabr 2021, 23:01 Batma təhlükəsi ilə üzləşən 3 nəfər xilas edildi 19 Sentyabr 2021, 22:54 Vahid Rusiya partiyası seçkilərdə öndə gedir   19 Sentyabr 2021, 22:35 "BMT Qarabağ məsələnin həll edilməsində istəksizlik göstərdi" - Koffi 19 Sentyabr 2021, 22:30 Mahir Emrelidən “Legiya”da növbəti qol 19 Sentyabr 2021, 22:14 ABŞ-da hərbi təyyarə qəzaya uğradı 19 Sentyabr 2021, 21:51 Deputatlar Rusiyada seçkiləri müşahidə etdilər 19 Sentyabr 2021, 21:40 Türkiyə əhalisinin 67.7% tam peyvəndlənib 19 Sentyabr 2021, 21:34 Rusiyada parlament seçkiləri başa çatdı 19 Sentyabr 2021, 21:17 Baş nazir vulkana görə ABŞ səfərini təxirə saldı 19 Sentyabr 2021, 21:06 İsraildə sutkalık 7 mindən artıq yoluxma 19 Sentyabr 2021, 20:54 Bu ölkədə vulkan püskürdü 19 Sentyabr 2021, 20:46 “Neftçi” “Keşlə”ni darmadağın etdi 19 Sentyabr 2021, 20:33 230-dan çox xarici vətəndaş Kabili tərk etdi 19 Sentyabr 2021, 20:18 “Bursaspor” baş məşqçini istefaya göndərdi 19 Sentyabr 2021, 20:07 Gürcüstan yenidən silkələndi 19 Sentyabr 2021, 19:49 Hindistandan quş və quş əti idxalı dayandırıldı 19 Sentyabr 2021, 19:40 Fransa ABŞ ilə münasibətlərində böhran olduğunu açıqladı 19 Sentyabr 2021, 19:24 Liviyada iki helikopter toqquşdu, ölənlər var 19 Sentyabr 2021, 19:09 8 yaşlı uşaq koronavirusdan sonra iflic qaldı 19 Sentyabr 2021, 18:15 İlk kosmos turistləri Yerə qayıtdı - VİDEO 19 Sentyabr 2021, 18:02 İran ayətullahı Azərbaycanı hədələyib 19 Sentyabr 2021, 17:53 Çempionlar liqası: "Araz Naxçıvan"ın oyunlarının vaxtı açıqlandı 19 Sentyabr 2021, 17:48 Türkiyə millisinin yeni baş məşqçisi açıqlandı 19 Sentyabr 2021, 17:46 Məşhur futbolçu öldü 19 Sentyabr 2021, 17:39
SORĞU Hansı vaksinə etibar edirsiniz?