Türkiyənin “Qalatasaray” klubu avrokuboklarda növbəti oyununu keçirib.
Modern.az xəbər verir ki, İstanbul təmsilçisi Avropa Liqasında qrup mərhələsinə start verib.
E qrupunda yer alan Fatih Terimin yetirmələri evdə İtaliya “Latsio”su ilə qarşılaşıb. Matçın taleyini avtoqol həll edib.
Qonaqların futbolçusu Tomas Strakoşa 67-ci dəqiqədə topu öz qapısından keçirib. Bu, “Qalatasaray”a 1:0 hesablı qələbə qazandırıb.