Tanınmış jurnalist, “Yeni Müsavat” qəzetinin əməkdaşı Elşad Paşasoyun “Bir bazar günü” kitabı çapdan çıxıb. Kitabda müəllifin 2007-2010-cu illərdə deputatlar, siyasətçilər, diplomatlar, ziyalılar, elm və sənət adamları ilə “Yeni Müsavat” qəzetində “Bir bazar günü” rubrikasında dərc olunmuş müsahibələrnin bir hissəsi ixtisar olunmaqla toplanıb. Bu barədə Modern.az saytına E.Paşasoyun özü məlumat verib.
Məşhur yazıçımız Əkrəm Əylislinin və “Yeni Müsavat” qəzetinin baş redaktoru Rauf Arifoğlunun ön sözü ilə çapdan çıxmış kitabın ideya müəllifi Mətbuat Şurasının sədri Əflatun Amaşov, məsləhətçisi jurnalist Rey Kərimoğludur.
Modern.az
