Sabah - oktyabrın 1-dən BMT Təhlükəsizlik Şurasında sədrlik Avstraliyadan Azərbaycana keçəcək. Və Azərbaycan oktyabr ayı ərzində BMT Təhlükəsizlik Şurasınna sədrlik edəcək.
Modern.az xəbər verir ki, bu, Azərbaycanın 2012-2013-cü ilkərdə BMT-nin Təhlükəsizlik Şurasında ikinci sədrliyi olacaq. Azərbaycanın BMT TŞ-ya bundan əvvəlki sədrliyi 1-31 may 2012-cil tarixlərində olub. Həmin müddətdə qurumda Azərbaycanın sədrliyilə bir neçə iclas keçirildi.
Azərbaycan 2011-ci ilin oktyabrında ilk dəfə olaraq Şərqi Avropadan BMT Təhlükəsizlik Şurasına qeyri-daimi üzv seçilib.
Ölkəmizin BMT Təhlükəsizlik Şurasına qeyri-daimi üzvlüyü 2012-ci il 1 yanvar tarixindən başlayıb və 2013-cü il dekabrın 31-ə qədər davam edəcək.
BMT Təhlükəsizlik Şurası dünyada sülh və təhlükəsizliyin təmin edilməsi üzrə BMT-nin məsul qurumu olub 5 daimi və 10 qeyri-daimi üzvdən ibarətdir. Şura dünya miqyasında baş verən ən önəmli və aktual məsələlərin əsas müzakirə və qərar qəbul etmə məkanıdır.
Modern.az
