Modern.az saytının məlumatına görə, bu gün Milli Məclisin 5 komitəsində 2014-cü ilin dövlət büdcəsi zərfinə daxil olan qanun layihələrinin müzakirəsinə başlanılıb. Bu müzakirələrdən sonra qanun layihələri parlamentin plenar iclasına çıxarılacaq.
Qeyd edək ki, 2014-cü ilin dövlət büdcəsi zərfinə daxil olan qanun layihələrinin müzakirəsi üçün Milli Məclis 4 gün dalbadal – noyabrın 12, 13, 14, 15-də iclas keçirəcək.Həmin iclasların gündəliyinə 6 məsələ daxildir:
Bunlar “2014-cü il dövlət büdcəsi haqqında”, “Dövlət Sosial Müdafiə Fondunun 2014-cü il büdcəsi haqqında”, “2014-cü il üçün yaşayış minimumu haqqında”, “2014-cü il üçün ehtiyac meyarının həddi haqqında”, “Milli Məclisinin 2014-cü il üçün xərclər smetası haqqında” və “Hesablama Palatasının 2014-cü il üçün xərclər smetası haqqında” qanun layihələridir. Modern.az
