Modern.az AFFA-ya istinadən xəbər verir ki, FIFA milli komandaların növbəti reytinq cədvəlini açıqlayıb. Ötən ayla müqayisədə 6 pillə irəliləyən Azərbaycan milli komandası 398 xalla 85-ci pillədə qərarlaşıb. Bu, millimizin tarixi ərzində FIFA-nın reytinq cədvəlindəki ən yaxşı göstəricisidir. Komandamız son 1 ayda heç bir matça çıxmasa belə, FİFA reytinqinin 20 illik tarixi ərzində özünün ən yüksək nöqtəsinə qalxıb.
Milli komandamız bu günədək ən yaxşı halda 88-ci olmuşdu. Həmin nəticə 2013-cü ilin oktyabrına təsadüf etmişdi. Millimiz 6 aydan sonra rekordlarını 3 pillə yaxşılaşdıb.
Reytinq cədvəlində İspaniya 1460 xalla 1-ci, Almaniya 1340 xalla 2-cidir. Portuqaliya isə 1 pillə irəliləyərək, 1246 xalla 3-cü olub.
Qeyd edək ki, növbəti reytinq cədvəli mayın 8-də açıqlanacaq.
Rafiq Qənbərov
