Bu gün Milli Məclisin deputatı Azay Quliyev Şirvan şəhərində seçiciləri ilə növbəti görüşünü keçirib. Modern.az xəbər verir ki, Millət vəkili gənclərin sayca üstünlük təşkil etdiyi görüşdə iştirak edən Şirvan sakinlərinin müraciət və şikayətlərinə baxıb, onların üzləşdikləri problemlərin həlli istiqamətində müvafiq qərarlar qəbul edib.
Görüşdə Azay Quliyev Şirvanda həyata keçiriləcək layihələrin daha çox gəncləri əhatə etməsi istiqamətində irəli sürülən təklif və təşəbbüslərin araşdırılacağını və onların reallaşması üçün müvafiq addımlar atacağını bildirib. Görüşün sonunda millət vəkili gənclərin suallarını cavablandırıb, Şirvanda keçirilən fərdi inkişaf, karyera quruculuğu ilə bağlı təlimlərdə fərqlənən gənclərə sertifikatlar təqdim edib. Daha sonra Azay Quliyev Şirvan şəhər Sahib Zeynalov küçəsində yerləşən binanın sakinləri ilə görüşüb və onların problemlərini dinləyib.Görüşlərdə Şirvan şəhər İcra Hakimiyyətinin başçısının müavinləri, şəhər Məşğulluq idarəsi, DSMF, təhsil şöbəsinin rəhbərləri də iştirak edib.
