“Firidun bəy Köçərli” mükafatının qalibi olan Qarabağ Universitetinin rektoru Şahin Bayramovun mükafatı AzEdu.az Təhsil Portalı tərəfindən təqdim edilib.
Modern.az xəbər verir ki, Şahin Bayramov ali təhsildə innovativ tədris metodlarının tətbiqi, tədqiqatyönümlü fəaliyyətin təşkili və peşəkar idarəetmə sahəsində əldə etdiyi uğurlara görə bu mükafata layiq görülüb.
Qarabağ Universitetində keçirilən təqdimat mərasimində AzEdu Təhsil Portalının direktoru Elmin Nuri mükafatı universitetin prorektoru Rüstəm İsgəndərliyə təqdim edib.
Qeyd edək ki, "Firidun bəy Köçərli" adına mükafata bu il Milli Məclisin Elm və təhsil komitəsinin sədr müavini, “ADA” Universitetinin professoru Fariz İsmayılzadə, Qarabağ Universitetinin rektoru Şahin Bayramov, Mərkəzi Aran Regional Təhsil İdarəsinin müdiri Həmid Qasımov, Elm və Təhsil Nazirliyi yanında İctimai Şuranın sədri, professor Hikmət Əlizadə, Elm və Təhsil Nazirliyinin İctimaiyyətlə əlaqələr və kommunikasiya şöbəsinin Media ilə iş sektorunun müdiri Billurə Hacızadə, DİM-in departament müdiri Natiq Əliyev, Qarabağ Universitetinin müəllimi Arzu Şükürova, Sosial Tədqiqatlar Mərkəzinin əməkdaşı, təhsil məsələləri üzrə tədqiqatçı Elmin Nuri, Bakı şəhəri 144 nömrəli tam orta ümumtəhsil məktəbin direktoru İlahə Həmidova və Şamaxı rayonu Dağ Göylər kənd 2 nömrəli tam orta məktəbin Azərbaycan dili və ədəbiyyat müəllimi Aysel Quliyeva layiq görülüblər.
