Rusiyanın Mərkəzi Seçki Komissiyası (MSK) ABŞ-ın hüquq-mühafizə orqanlarına müraciət etmək niyyətindədir.
Bu haqda bazar günü gecə ikən keçirilən mətbuat konfransında MSK sədri Vladimir Çurov məlumat verib. Modern.az Rusiya mətbuatına istinadən bildirir ki, sayta hücum saat 23.23-də başlayıb. Hakerlər sayta müdaxilə edərək oradakı məlumatları dəyişdirməyə cəhd göstəriblər. Bu zaman hücum dəqiqədə 50 min müdaxilə ilə baş verib. MSK bildirir ki, hücum San-Fransiskoda yerləşən bir qurum tərəfindən həyata keçirilib.Qeyd edək ki, bazar günü Rusiyada vahid səsvermə günü keçirilib. Bəzi regionlarda parlament üzvləri və yerli icra idarələrinin başçılarını müəyyənləşdiriblər.
Modern.az
