Modern.az xəbər verir ki, “Düdelanj” - "Qarabağ" oyunu yekunlaşıb. Matçın 90-cı dəqiqəsində meydan sahibləri buraxılan qollardan birinin əvəzini çıxıb. Bu dəfə Bernier fərqlənib - 1:4. Beləliklə komandamız səfərdə böyükhesablı qələbə qazanıb.
***
"Qarabağ"ın rəqibi azlıqda qalıb. Oyunun 62-ci dəqiqəsində "Düdelanj"ın oyunçusu Mikael Qaros ikinci sarı vərəqədən sonra meydandan qovulub.
Bundan sonra daha bir neçə real qol imkanı əldə edən "Qarabağ" 69-cu dəqiqədə istəyinə çatıb. Dani Kintana komandasının 4-cü qolunu vurub - 4:0
***
“Düdelanj” - "Qarabağ" oyunda daha bir qol vurulub.
Modern.az xəbər verir ki, oyunun 36-cı dəqiqəsində "Düdelanj"ın qapısına penalti təyin edilib. Penaltini dəqiq yerinə yetirən Riçard Almeyda hesabı komandamızın xeyrinə 3:0 edib.
***
“Düdelanj” - "Qarabağ" oyunu 25 dəqiqəlik fasilədən sonra davam etdirilir.
***
Avropa Liqasının qrup mərhələsinin II turu çərçivəsində keçirilən "Düdelanj" - “Qarabağ” oyununda hesab dəyişib.
Modern.az xəbər verir ki, Lüksemburqda keçirilən matçın 30-cu dəqiqəsindən Ağdam təmsilçisi ikinci dəfə fərqlənib. Bu dəfə Miçel komandasının ikinci qolunu vurub .
***
UEFA Avropa Liqasında qrup mərhələsinin II turu çərçivəsində Lüksemburqda keçirilən "Düdelanj" - "Qarabağ" oyununda hesab açılıb.
Modern.az xəbər verir ki, oyunun 11-ci dəqiqəsində "Qarabağ"ın oyunçusu Abdulla Zubir fərqlənib.
Oyunu BURADAN canlı olaraq izləyə bilərsiniz.
