Modern.az xarici mediaya istinadən xəbər verir ki, orta yaşlı bərbər kişi salonuna gələn əli silahlı şəxs tərəfindən güllələnib. Cinayətkar daha sonra hadisə yerindən qaçıb.
Hadisə ABŞ-ın Texas ştatında, Hyuston şəhərində baş verib. Hadisə şahidlərinin dediyinə görə 13 yaşlı uşağın saç düzümü üstündə cinayətkarla bərbər arasında mübahisə yaranıb. O, belində gizlətdiyi silahı çıxararaq bərbərə 3 dəfə atəş açıb, sonra da məkandan qaçıb.
Hadisəni törədən şəxsin kimliyi hələlik müəyyənləşdirilməyib. Hyuston polisi hazırda hər yerdə cinayətkarı axtarır.
Qeyd edək ki, 3 güllə yarası alan bərbərin vəziyyəti ağırdır.
