Իրանը նոր տնտեսական պլան է մշակել։
Modern.az-ը հայտնում է, որ այս մասին իր «X» սոցիալական ցանցի էջում հայտնել է Իրանի նախագահ Մասուդ Պեզեշկիանը։
«Կառավարությունը նոր դիրքորոշում է որդեգրել հատուկ պայմանները կառավարելու համար։ Անցած ամիսներին թշնամու ծրագիրը եղել է կտրել երկրի կենսական երակները՝ Իրանի ժողովրդին ճնշելու նպատակով»,- ասել է նա։
Ըստ Պեզեշկիանի՝ Թեհրանի դեմ տնտեսական ճնշումներն աճել են. «Սակայն Աստծո շնորհիվ, ժողովրդի համերաշխության և կառավարության մեր գործընկերների միջոցառումների շնորհիվ մենք թույլ չենք տվել, որ թշնամու նպատակները տնտեսական պատերազմում իրականանան»։
Իրանի նոր տնտեսական պլանի մանրամասները չեն հրապարակվել։
Հիշեցնենք, որ ԱՄՆ կառավարությունն Իրանի դեմ իրականացնում է «Տնտեսական մեկուսացում» գործողությունը։ Միացյալ Նահանգների ֆինանսների նախարար Սքոթ Բեսենթը հայտարարել է, որ այս գործողությունը հանգեցրել է իրանական ռիալի փոխարժեքի ռեկորդային անկմանը։
