Ռուսական Մի-8 ռազմական ուղղաթիռը Կալինինգրադի մարզի ուղղությունից մտել է Լեհաստանի օդային տարածք։
Modern.az-ը հայտնում է, որ այս մասին տեղեկություն է տարածել Լեհաստանի Զինված ուժերի օպերատիվ հրամանատարությունը։ Հրամանատարության տվյալներով՝ ուղղաթիռը Լեհաստանի օդային տարածքում մնացել է 42 վայրկյան և սահմանից ներս է մտել մոտ 300 մետր։
Ի պատասխան միջադեպի՝ լեհական կործանիչներ են օդ բարձրացվել, ցամաքային պաշտպանության ուժերը բերվել են մարտական պատրաստության։ Լեհական կողմը միջադեպը գնահատել է որպես Ռուսաստանի կողմից երկրի հակաօդային պաշտպանության համակարգի պատրաստվածությունը ստուգելու փորձ։
Ռուսաստանի Վարշավայի դեսպանատունը դեռևս հայտարարություն չի արել միջադեպի վերաբերյալ։
