Azərbaycanın UEFA Konfrans Liqasındakı təmsilçiləri “Sabah” və “Zirə” bu gün III təsnifat mərhələsində cavab oyunlarına çıxacaqlar.
Modern.az xəbər verir ki, “Sabah” “Əlincə” stadionunda İrlandiyanın “Sent Patriks” komandasını qəbul edəcək. Görüş saat 20:00-da start götürəcək.
“Zirə” isə “Dalğa Arena”da Xorvatiya klubu “Osiyek”lə üz-üzə gələcək. Qarşılaşma saat 20:30-da başlayacaq.
Qeyd edək ki, ilk matçlarda “Sabah” səfərdə 0:1 hesabı ilə məğlub olub, “Zirə” 1:1 hesablı heç-heçə edib.
15 avqust
“Sabah” - “Sent Patriks”
Əlincə stadionu. Saat 20:00
Baş hakim: Marcel Birsan
Baş hakimin köməkçiləri: Radu Ginqulyak, Adrian Vornicu
Dördüncü hakim: Andrei Antonie
VAR hakimləri: Radu Petrescu, Rares Vidican
(Hakimlər briqadası Rumıniyadandır)
“Zirə” – “Osiyek”
Dalğa Arena. Saat 20:30
Baş hakim: Julian Veinberger
Baş hakimin köməkçiləri: Maksimilian Kolbitsch, Andreas Vitschnigg
Dördüncü hakim: Stefan Ebner
VAR hakimləri: Valter Altmann, Andreas Heiss
(Hakimlər briqadası Avstriyadandır)
