Təhsil Nazirliyi ilə Tələbə Qəbulu üzrə Dövlət Komissiyası (TQDK) arasında gərginlik səngimək bilmir. TQDK-nın 20 illiyinə həsr olunmuş tədbirlərdən sonra isə bu münasibətlər daha da kəskinləşdi. Hər iki qurum mətbuat vasitəsilə bir-birlərini ittiham edir və tənqid edirlər. TQDK-nın mətbuat xidmətinin bu gün yaydığı məlumatda isə bildilir ki, noyabrın 24-də TQDK-nın 20 illiyinə həsr olunmuş beynəlxalq konfransa nazirliyin nümayəndəliyi dəvət olunsa da, onlar gəlməyiblər.
