Iliyana Yotova Bolgariya tarixida prezident etib saylangan birinchi ayol boʻldi. U keyingi besh yil davomida mamlakatga rahbarlik qiladi
Modern.az xabar berishicha, u 1964-yil 24-oktabrda Bolgariya poytaxti Sofiyada tugʻilgan. Bolgar filologiyasi boʻyicha oliy maʼlumotga ega boʻlgan Yotova oʻzining professional faoliyatini jurnalist sifatida boshlagan. Yotova oliy maʼlumotini jurnalistika boʻyicha emas, bolgar filologiyasi boʻyicha olgan. Jurnalistika sohasida esa koʻp yillar davomida professional faoliyat yuritgan. U Bolgariya milliy televideniyesida turli lavozimlarda ishlagandan soʻng siyosatga qoʻshilgan.
Yotova 2007–2017-yillarda Yevropa Parlamentining deputati, 2017–2026-yillarda esa Bolgariyaning vitse-prezidenti boʻlgan. 2026-yil yanvarida Rumen Radevning isteʼfosidan soʻng prezident vazifasini bajarishga kirishgan Yotova 1-noyabrda boʻlib oʻtgan saylovlarda gʻalaba qozonib, mamlakatning birinchi saylangan ayol prezidenti nomini oldi.
U Bolgariya Sotsialistik Partiyasining siyosiy yoʻnalishiga yaqin boʻlgan. Prezident Rossiya bilan munosabatlarni yaxshilashni va Ukraina urushini diplomatik muzokaralar yoʻli bilan hal qilishni himoya qiladi.
Ukrainaga qoʻshimcha harbiy yordam koʻrsatilishiga qarshi chiqishi uning siyosiy mavqeining diqqatga sazovor xususiyatlaridandir.
Oilali, bir oʻgʻli bor.
