WSJ: Kanada YIga assotsiativ a'zo bo'lishni istaydi
Kanada Bosh vaziri Mark Karni o'z mamlakatining Yevropa Ittifoqining (YI) assotsiativ a'zosi maqomini olish imkoniyatini ko'rib chiqmoqda.
Modern.az xabar berishicha, bu haqda The Wall Street Journal ma'lumot tarqatdi.
Assotsiativ a'zolik Kanadaga YIga to'liq a'zo bo'lmasdan bir qator iqtisodiy va siyosiy ustunliklarga ega bo'lish imkonini berishi mumkin.
Gazetaning ma'lumotiga ko'ra, Karni bir necha oydan buyon Yevropa mamlakatlari rahbarlari bilan Kanada va uning 41 million aholisining YIga “yanada yaqinroq integratsiyasi” masalasini muhokama qilmoqda.
Ottava va Vashington o'rtasidagi savdo urushining keskinlashuvi fonida Karni YI bilan munosabatlarni yangi bosqichga olib chiqishga harakat qilmoqda. Bosh vazir Yevropa rahbarlariga Kanadaning YIning assotsiativ a'zosi bo'lishini taklif qildi. "The Wall Street Journal" qayd etishicha, a'zolik masalasida odatda moslashuvchan pozitsiyani namoyish etmaydigan YI Ottavaning tashabbusini muhokama qilishga ochiq ekanligini ko'rsatdi.
Manbalarga ko'ra, Karni o'zining maxsus vakiliga YI bilan to'liq a'zolik va yagona bozorga qo'shilishni nazarda tutmaydigan, ammo iloji boricha keng hamkorlik imkoniyatlarini yaratadigan variantlarni o'rganishni topshirgan.
