Saudiya Arabistoni tomoni husiylarning Makkaga zarba berishga urinishganini ma'lum qildi.
Modern.az mahalliy OAVga tayanib xabar berishicha, rasmiy Ar-Riyod bu 2017-yil iyul oyida ballistik raketa uchirilganidan keyin muqaddas shaharga qarshi ikkinchi shunday urinish ekanligini bildiradi.
Husiylar esa Makkaga hujum qilishga uringanliklari haqidagi ayblovni rad etib, diniy ob'ektlarni nishonga olmaganliklarini e'lon qilishdi.
Voqea Saudiya Arabistoni va husiylar o'rtasidagi qarama-qarshilik kuchaygan bir paytda sodir bo'ldi. Bungacha Makka va Jiddada havo hujumi xavfi haqida ogohlantirishlar berilgan edi.
So'nggi kunlarda husiylar Saudiya Arabistoni hududidagi boshqa ob'ektlarga ham zarbalar berdi. Ar-Riyod esa o'z navbatida Yaman hududiga zarbalarni qayta tikladi.
