Eronning “Jonfido” kampaniyasi doirasida kelasi haftadan boshlab 1000 ta harbiy batalyon tuzish boshlanadi.
Modern.az xabar berishicha, bu haqda kampaniyaning Xalq shtabi vakili Sasan Zare ma’lum qildi.
Uning so‘zlariga ko‘ra, tashabbus doirasida ro‘yxatdan o‘tgan 31 million kishining 26 foizi harbiy faoliyat va xavfsizlik masalalari bilan shug‘ullanishga tayyor. Zare ta’kidlashicha, ko‘ngillilar umumiy harbiy tayyorgarlik, xavfsizlikni ta’minlash, kuzatuv, nazorat va razvedka tadbirlarini o‘z ichiga olgan mashg‘ulotlardan o‘tmoqda.
Ro‘yxatdan o‘tgan ishtirokchilarning 32 foizini ayollar, 68 foizini esa erkaklar tashkil etadi.
