Xalqaro Qizil Xoch Qo'mitasi (XQXQ) Armanistonda saqlanayotgan Ozarbayjon Qurolli Kuchlarining muddatli harbiy xizmatchisi Nasimi Musayevga tashrif buyurmadi.
Modern.az xabar berishicha, bu haqda qo'mita Armaniston vakolatxonasi matbuot kotibi Zara Amatuni ma'lum qildi.
Uning so'zlariga ko'ra, masala yuzasidan Armaniston hukumati bilan muloqot olib borilmoqda.
Eslatib o'tamiz, Nasimi Musayev 26-sentabr kuni Lachin tumani yo'nalishidagi xizmat joyida yo'qligi aniqlangach, uni qidirish boshlangan. Holat yuzasidan Harbiy prokuraturada jinoiy ish qo'zg'atilgan.
1-oktabr kuni Nasimi Musayev Armanistonning Zangazur viloyati Sheki qishlog'ida qo'lga olindi. Armaniston sudi tergov ostidagi askarga nisbatan ikki oy muddatga qamoqqa olish ehtiyot chorasini tanladi.
