Soʻnggi 20 yilda dunyo boʻylab 1600 dan ortiq jurnalist oʻldirilgan. Bu har toʻrt kunda oʻrtacha bitta jurnalistning oʻldirilishi demakdir.
Modern.az xabar berishicha, bu haqda YuNESKOning yangi hisobotida aytilgan.
Hisobotda qayd etilishicha, YuNESKO 2006-yildan boshlab jurnalistlarning oʻldirilishi holatlarini tizimli ravishda kuzatib bormoqda. Oʻsha vaqtdan beri dunyo boʻylab jami 1641 jurnalist oʻldirilgan. Bu har toʻrt kunda oʻrtacha bitta jurnalistning hayotdan koʻz yumishi demakdir.
Maʼlum qilinishicha, jurnalistlarning oʻlimining asosiy sababi qurolli mojarolardir.
Shu bilan birga, soʻnggi ikki yilda qurolli mojarolar boʻlmagan mamlakatlarda jurnalistlarning oʻldirilishi holatlari soni soʻnggi 18 yil ichidagi eng past darajaga tushgan. Bu davrda ushbu mamlakatlarda 62 jurnalist oʻldirilgan.
YuNESKO ayol jurnalistlarning oʻldirilishi holatlari ham kamayganini qayd etgan.
Hisobotda eʼtiborga molik yana bir jihat – media xodimlari orasida 25-29 yoshli jurnalistlar sonining ortishi.
