Astanada Azərbaycanın Qazaxıstandakı səfirliyində Heydər Əliyev Muzeyinin açılışı keçirilib.
Modern.az “AzərTAc”a istinadən xəbər verir ki, tədbir iştirakçıları muzeydə ulu öndər Heydər Əliyevin mənalı həyatı və çoxşaxəli fəaliyyətinin müxtəlif dövrlərini əks etdirən foto və sənədlərin sərgisi ilə tanış olublar.
Muzeydə sərgilənən foto və eksponatlar ümummilli lider Heydər Əliyev şəxsiyyətinin ucalığını, dünya siyasətindəki yerini və rolunu, türk dünyası qarşısında misilsiz xidmətlərini, Azərbaycandakı tarixi xilaskarlıq missiyasını tərənnüm edir.
