İsveçrədə Azərbaycan qadınına seçki hüququnun verilməsinin 100 illiyi münasibətilə poçt markası buraxılıb. Azərbaycan İsveçrədə səfirliyindən Modern.az-a verilən məlumata görə, bu barədə razılaşma Azərbaycan səfirliyi ilə bu ölkənin dövlət poçt müəssisəsi olan “İsveçrə Poçt” Səhmdar Cəmiyyəti (“Schweizerische Post” AG) arasında əldə edilib.
Azərbaycan Azərbaycan qadınına seçki hüququnun verilməsinin 100 illiyinə həsr olunanhəmin poçt markaları qeyri-kommersiya məqsədilə buraxılıb və ölkəmizin səfirliyi tərəfindən istifadə ediləcək. Eyni zamanda, Azərbaycanın Cenevrədəki BMT bölməsinə, digər beynəlxalq təşkilatlar yanında daimi nümayəndəliyinə və SOCAR-ın İsveçrədəki nümayəndəliyinə, eləcə də başqa maraqlı tərəflərə göndəriləcək.
