Bu gün efirə getməli olan "Maşın" şounun yayımında problem yaranıb. Modern.az xəbər verir ki, veriliş başlayandan bir qədər sonra yayım kəsilib. Daha sonra televiziyada 1 saata yaxın reklam yayımlanıb.
Məsələyə münasibət bildirən verilişin aparıcısı Murad Dadaşov problemi texniki səbəblərlə əlaqələndirib.
"M Group Production" da məsələ ilə bağlı açıqlama yayıb:
"Əziz "Maşın" şounun izləyiciləri, MGP ("M Group Production") şirkətindən asılı olmayan və "Azad Azərbaycan" telekanalına bağlı texniki səbəblərə görə bu gün 22:15-də başlayan efirimizdə müəyyən problemlər yaşanıb. Hazırda mütəxəssislər problemi aradan qaldırmağa və şounun yayımını bərpa etməyə çalışırlar. "Maşın"ın final həyəcanı davam edəcək. Bizi izləyin".
