“Azərbaycan-Rumıniya Dostluq Cəmiyyəti” İctimai Birliyi, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Rumıniyada “Azərbaycan haqq yolunda” təbliğat kampaniyasının təşkili adlı layihə çərçivəsində tədbirlər təşkil edib.
Modern.az xəbər verir ki, layihənin məqsədi Azərbaycanın Rumıniyada təbliği istiqamətində daha bir addım atmaq, zəngin Azərbaycanın müasir tarixinin tanınmasına xidmət göstərmək, Dağlıq Qarabağ həqiqətlərinin çatdırılması işinə mühüm töhvə verməkdir.
Layihənin reallaşdırılması Azərbaycanlı və Rumıniya gənclərinin yaradıcılıq ünsiyyətinə kömək edib, gənclərin intellektual səviyyəsini və düşüncə tərzini nümayiş etdirib.
Layihənin reallaşması Rumıniya auditoriyasında Azərbaycan xalqı və müasir Azərbaycan mədəniyyəti və tarixi barədə əyani təsəvvür yaradıb. Rumıniya gəncləri diskussiyalar zamanı Ermənistan-Azərbaycan, Dağlıq Qarabağ münaqişəsi barədə gənclərimizin düşüncə tərzi, yaradıcılıq üslubları haqqında ətraflı məlumat əldə ediblər.
Tədbirdə Rumıniya-Azərbaycan Dostluq Cəmiyyətinin, Rumıniya-Azərbaycan Gənclər Assosiasiyasının, Rumıniya-Azərbaycan Ticarət Palatasının üzvləri və digər qonaqlar iştirak edib.
