Abşeron rayonunda torpaq uçqunu zamanı fəhlə ölüb. Modern.az "Report"a istinadən xəbər verir ki, hadisə rayonun Masazır qəsəbəsində kanalizasiya xəttinin çəkilişi zamanı qeydə alınıb.
Belə ki, 1990-cı il təvəllüdlü Elvin Mütəkəllim oğlu Sadıqov ehtiyatsızlıq nəticəsində torpaq uçqununun altında qalıb. Yaralı xəstəxanaya aparılarkən yolda dünyasını dəyişib.
Onun "Azərsu" ASC-nin Tikinti idarəsinin əməkdaşı olduğu bildirilir.
Qeyd edək ki, ölən şəxs ailəlidir, iki azyaşlı övladı var.
Faktla bağlı araşdırma aparılır.
