Lənkəran Mərkəzi Xəstəxanasında ana ölümü baş verib.
Modern.az-ın məlumatına görə, Osaküçəkənd sakini, 1979-cu il təvəllüdlü Quliyeva Vəfanə Kərim qızı mayın 1-də xəstəxananın doğuş şöbəsində qeysəriyyə əməliyyatı olunub. Lakin həki səhlənkarlığı səbəbindən daxili qanaxmaya diqqət edilməyib. Vaxtında qiymətləndirilməyyən qanaxmanın dayandırılması üçün ananın 2 may tarixində iki dəfə təkrar cərrahi əməliyyata götürüldüyü bildirilir.
Mayın 2-dən 3-nə keçən gecə isə Quliyeva Vəfanə dünyasını dəyişib.
Xəstə müalicə həkimi mama-ginekoloq Cahangirova Sevda tərəfindən əməliyyat olunub.
Modern.az hadisə ilə bağlı Səhiyyə Nazirliyinə sorğu ünvanlayıb. Nazirliyin mətbuat xidmətinin mütəxəssisi Səfayə Əhmədova bildirib ki, Lənkərandakı ana ölümündən xəbərdardırlar:
“Bu cür hadisələrdə həkimlərin günahlandırılmasını hər zaman müşahidə edirik. Lakin araşdırma aparılmalı, komissiya və istintaq qrupu rəy verdikdən sonra həkimin səhfi olub-olmadığı aydınlaşmalıdır. Bununla bağlı məlumatlar dəqiqləşdikdə məlumat veriləcək. Hələlik isə araşdırmalar davam etdirilir”.
Qeyd edək ki, vəfat edən ananın dünyaya gətirdiyi körpə qız sağdır.
