40 saylı Kəpəz ikinci (Gəncə) seçki dairəsindən deputatlığa namizədin-Nurlan Abbaszadənin qanun pozuntusuna yol verdiyi məlum olub.
Modern.az-a verilən məlumata görə, onun sinif yoldaşı Rüfət Quliyev 20 AE 269 seriyalı avtobusla 17 saylı məntəqəyə seçici daşıyıb.
Odur ki, həmin qanun pozuntusu qeyd alınıb, məsələ aktlaşdırılıb və Dairə Seçki Komissiyasına (DSK) göndərilib.
Həmçinin, 40 saylı Kəpəz ikinci (Gəncə) seçki dairəsindən deputatlığa namizəd Sitarə Zeynalovanın avtobusla seçiciləri məntəqələrə daşıtdırması faktı da qeydə alınıb.
